http://s7/mw690/001VJbj6ty6ReQb1dMa06&690

1.  我哋負家產嘅家就係全世界最眼冤嘅陀衰家，你而家先明白破碎家庭係幾咁幸福。

2.   以前話十八年後又一條好漢，而家因為有破產四年後又一條好漢，破產加速輪迴，『破如輪轉』。

3.   以前我哋一般都相信，人格破產好緊要，因為你人格唔破產，你經濟多數會破產。唔係吖，以前沒得分人格破產，經濟破產，基本上係一破產，你就即係冚家產。咁點吖？冚家產唔緊要，最重要人格唔好破產，我就係一個充滿人格、有情有意嘅冚家產。

4.   你以前失業係俾老闆炒，你而家失業係你老闆俾人炒。點解老闆都俾人炒？因為你嗰行俾人炒咗。

5.   當然一個社會出現一樣嘢叫做結構性失業，即係話俾你聽，呢個社會嘅本質基本上就係寡情薄幸，嚼完松。你一定要讀多啲書你先真正明白，點解你冇嘢做。

6.   我哋中國人素來有呢種傳統，每一個朝代大量人失業嘅時候，結構性轉型——做太監,有好多人做咗CEO咖。事實上太監呢行係令人成熟得最快嘅行業，一剎之前你仲係一個0靚仔，一剎那之後的就係公公了。

7.   自殺嘅人就係情願乜都冇，都唔情願冇嗰一啲，即係呢啲人係輸少少係唔得嘅，一輸就情願輸曬。

8.   生命就係乜嘢?生命就係一個我覺得吃自助餐嘅過程，好多嘢吃，好多嘢選擇。呢兩啖

9.   唔啱，吃下第啲。吃自助餐嘅好處，瞌一瞌，起身再吃過。

10.我覺得呢個世界基本上從來都唔容易嘅。我哋從來唔容易，只不過有時你覺，有時你唔覺。

11.你要幫想自殺嘅人，你就係話俾佢聽，生命係有take two仲有take three，take four,無限take。

12.輪迴嘅方程式就係如果你自殺，你就會輪迴返嚟做你仇人嘅仔女。

13.我覺得呢個世界唯一有資格可以自殺只有三種人：第一、就係希德拉嗰種，即係你自己唔想死，但係起碼有一個民族想你死。第二、就係屈原嗰種，即係你自殺，然後大家有公眾假期。第三、我覺得真係有資格死，除非係極度、超不幸嘅人。

14.我覺得呢個世界最marvellous，最奇妙就係，永遠會有啲超不幸嘅人，佢哋好努力咁生活，但我哋啲正常人好容易頂唔順。我哋有時檢討下我哋所謂正常人結構係唔係好完美?

15.處男係冇資格決鬥，因為處男係冇資格死。我細個因為有呢個信念，所以我當然從來冇諗過自殺，每一次我覺得唔開心，我會提醒自己『你點可以死？你試過未先？你都未試過點可以死。』

16.喺我哋男人嘅立場，我哋認為如果你係一個豬扒，咁你基本上係唔使減肥，一件豬扒減咗肥，就係一件瘦扒，瘦扒就係比豬扒更唔開胃嘅扒。

17.我認為一個人能真正嘅快樂，就係一定要改造佢嘅內心世界改善佢嘅修養，所以我強調叫大家睇多啲書。

18.點解今時今日香港會搞成咁啊？因為有條友睇咗本《低B做特首》囉。

19.我覺得一個特首要連任，其實唔使搞咁多嘢，特首要連任係好簡單一件事，你就唔帶保鏢，能夠一個人行入一個大型嘅屋邨，行返出嚟，你就連任咖啦。

20.一個識得偷步嘅人，你就會考慮到偷步嘅後果，所以你識得偷步你唔會偷步，你唔識得偷步，所以偷咗步囉。

21.我而家終於明白用錢叫洗錢，啲錢唔洗點用吖？

22.喺以前嘅香港你有一份工，嗰份就叫做陰功。你有幾多需要你有幾多份工，一般人需要衣、食、住、行四份工。

23.好想瞓，冇得瞓；有得瞓，瞓唔著，呢個就係東方之珠嘅精神，我哋嘅精神就係——冇精神。

24.今時今日，如果我哋仲想有一個祥和啲嘅空間嚟生活，大家要主動啲，以後你見到你鐘意嘅藝人，你主動同佢說：『除褲啦！』