《一份好工第四個條件》

放工就是放工，老闆不會再call,呢啲好陰公呀嗌出嚟，你放咗工，你老闆call你，係咪好想發生啲事呀？咦，放咗工老闆仲call我，“你等一等，屋企有啲嘢。你哋姓陳全家都係衰人嚟咖！你哋全家去跳海呀！係咩呀？老闆”你幾歹都話“佢追緊係我，佢追緊我，咩吖，我驚你吖，我驚你，哎呀哎呀。老闆點呀？有冇事？唔知咖！老闆你以後仲call我不如報咗警先啦。” 

《環保3》:

我寫咗首新詩，想喺度同大家分享下，子華以朗誦技巧講“美國夜靜一個男人，喺一個水塘，小一個便，男人放水，水塘放曬水塘嘅水，是水有毒，亦或是人有毒，中國十萬萬人臺上食飯，一桶桶地下溝油，吃得快，長得大，你浪費水，我迴圈油，人不怕毒，天怕無毒。”呢個新聞系美國，你啲美國佬飲水都飲得咁招積，一個水塘屙一篤尿就放曬㖞。

《政客思維3》

「我哋個腦呀，各位，專家話有個特點就係懶，唔諗就係唔諗，佢最想就係收工，當你冇諗時，佢就同你講你諗咗啦，見到一部小型車，你著皮褸，見到坦克車都唔驚啦，同埋我趕住收工，開門啦，如果佢唔係咁趕收工，就算我見到一部小型家庭車，好清晰見到一家四口，我會諗個爸爸載住一家人都喪砵我呢，個人一定有好多問題。各位，我哋嘅人生好多嘅決定好似一步棋咁，聽講世界棋王可以諗到七步，但係一般人喺趕收工先生影響下就只會諗一步棋，卒一步將軍，咁幾時篤，問得好，人篤你就篤，你能夠諗到兩步自步自篤，呢啲好高級，阿強話佢諗到三步，我知，連篤三步，阿強話行三步係篤卒，唔算，再篤過，唔算，再篤。我哋好多人嘅人生就篤卒，唔算，再篤過。諗到四步係人類極限，係我發現，何鴻燊有四個老婆，不丹國王有四個老婆，回教畀你四個老婆，我認識最風流男人最多都係四個老婆，點解，因為有四個老婆，一起身就要諗四步，你諗時間表都死，一個拜七日，每日先分一日，冇咗四日，剩餘四個人分，每人有四分三日，夜晚瞓到四點就要起身搬竇，搬到下一家朝早九點食宵夜，晏就一點半就又要搬家，一路咁，四步人類極限。」

《愛情2》

一男一女梗要生仔，點解呢？當一男一女就好快 FEEL 到呢個世界得你得我，呢個遊戲係玩唔到好耐。 跟住佢高歌「每一個晚上，我都跟你吔飯，長期叉燒番茄湯，含住菜睇到，你狼吞噴飯，好在有生啤… GOO GOO GOO GOO GOO」

《你認識人性又有幾多？》

你認識女性有幾多？你認識人性又有幾多？我問你一個問題，如果你個情人要撇你，你情願你失戀定情願佢失蹤？你問心做一個幻想嘅測驗，當你個情人患了絕症，醫生話過埋今晚聽晚就要走了，好可惜，好傷心。唔點解你喺個水晶球睇度，佢今晚溝咗個護士，咁你會唔會覺得於其要佢捱多日，掹喉都係一個選擇呀？緊唔得啦，咁殘忍。咁佢自己飲水囑襯咁又唔同喔，都係差一日吱嘛，好嚟好去吖嘛。唔係，都係太殘忍。最好呢，佢自己溝嗰護士之前，忽然佢自己落床去咗廁所，跟住聽到衝廁聲，跟住冇出返嚟啦，佢失咗蹤呀，幾浪漫！分手咁難受，係因為佢同你分開咗，捉住第二隻手。失蹤唔同吖，我係見佢唔到，因為佢永遠喺我後面呀嘛，好浪漫。

( 制度篇 ) 愛情最大陷阱係… .. 一見鍾情？ 

「呢個係制度覺醒年代，制度係咩意思，制度即係遊戲，遊戲有啲人玩得好叻，有啲人玩得唔叻，係以前會叫啲遊戲玩得唔叻嘅人努力啲勤力啲玩得叻啲，但依家啲人好醒目，我唔學，係制度係遊戲有問題，要改係遊戲。喺愛情入面我見過人玩得叻，若果有拍手嚟聽下，我回水畀你，（全場拍掌），我諗你係聽錯咗係被愛情玩得你好叻，愛情要嚟玩嘅咩 ? 經濟上有叫貧富懸殊，喺愛情上我見大部份都係貧窮邊緣掙紮，所以點解見到九十歲愛侶，拖住手全球都會感動呀，嘩咁老都仲有積蓄嘅，啲後生已經執緊紙皮，所以我覺得愛情係需要好大改革，今日開始唔好再講愛，應該講鍚，鍚比起愛有兩大好處，首先鍚可以避免愛最大陷阱就係一見鍾情，十個著有九個人一見就鍾意，咩意思，就係鍾意一個你唔識嘅人，係咪。係見人車頭就開人車門，開人車門就話我愛你呀。鍚就有叫一見就鍚，會否過份啲一見就鍚，正所謂唔熟唔鍚。第二大好處，你愛一個人，你問佢愛唔愛我，你答「幾咖。」你衰咗，係咪，當佢問你愛唔愛我，其實係問你對我可以去得幾盡，你話幾咖，即係唔盡，唔盡即係唔愛。 鍚就唔同，鍚嘅制度就寛鬆好多，唔同階級，媽媽問你鍚 Daddy 多啲定媽媽多啲，你可以答睇你鍚我多啲定細佬多啲。可以鍚多一個人，媽媽永遠唔會講，咩話，你鍚 Daddy 多啲，你從來都冇鍚過我，從來唔會咁。」