加载中…2015.3.21黃子華《唔黐線唔正常》深圳場互動
(2015-03-26 22:59:02)
标签：
黄子华栋笃笑 |
分类： 子華與華迷 |
3月21日黃子華棟篤笑《唔黐線唔正常》內地巡演最後一站喺深圳灣體育中心完美收官。我好慶幸去睇深圳場，今次第三次親臨現場支持子華，好開心。http://www/uc/myshow/blog/misc/gif/E___6708EN00SIGG.gif而更有意義嘅係，同一班喺華夢Q群聊過每個日日夜夜志同道合華迷朋友聚首會面，因為黃子華我們才走在一起。
嚟緊下個月4月20日子華嘅棟篤笑世界巡演最後一站喺英國倫敦舉行，今次喺黃子華棟篤笑首次登陸歐洲，子華繼續good show，給巡演旅程一個完美落幕。http://www/uc/myshow/blog/misc/gif/E___6692EN00SIGG.gif
http://s13/mw690/001VJbj6ty6R0zrSlpa8c&690
好啦，睇完我啲廢噏，奉上以下深圳場互動笑料：
（上開場，音樂響起，子華皇者登場。http://www/uc/myshow/blog/misc/gif/E___7397ZH00SIGG.gif）
觀眾s:“回水！回水！除褲！回水！除褲……”
子華：“你哋都識嗌回水嘅咩？”
觀眾s:“回水！回水！除褲！回水！除褲……”
子華：“等我搞清楚先,你哋識唔識聽廣東話咖？”
觀眾s:“識……”
子華：“我幾驚我上嚟要用普通話講吖。（普通話）別以為我不行，告訴你吖。用普通話也行，你喜歡哪樣？”
子華：“講兩句就得。我幾驚真係，你哋識得我係邊個吖嘛？”
觀眾s:“唔識……”
子華：“唔係好識嘅有啲人入錯場，想睇黃曉明係咪呀?我好冇信心吖，上到嚟深圳。因為好多年前，我有一日行過東門，就有一個人上嚟同我講『阿生吖，我係由香港上嚟嘅，我唔見咗身份證你可唔可以幫下我吖？』你知唔知我幾難過吖？你由香港上嚟嘅，你唔識得我？”
（觀眾s哈哈大笑拍手歡呼）
子華：“而佢分明就係深圳嘅，而佢又唔識得我。你問我攞錢唔緊要，你打擊我自信心吖嘛。你哋識得我咖嘛？”
觀眾s:“識……”
子華：“所以你哋識得嗌……”
觀眾s:“回水……”
子華：“同埋……”
觀眾s:“除褲”
子華：“好嘢，好嘢好嘢好嘢……近年大家已經嗌到黐曬線呢兩樣嘢。好多人嗌除褲緊張到已經除咗條褲，有啲人嗌回水，明知無可能於是掟個銀包上臺，等我丟返俾佢咁就回咗水。”
(入正題後面省略）
子華：“而家全世界大家都同意嘅只得兩樣嘢……”
觀眾s:“你好靚仔吖！”
子華：“我日日都對住塊鏡都好同意，然後我嘅細妹企喺後面『自暴其短』。好難所有人……係啦『麻甩君子』咖嘛你睇到，係用『麻甩』行先，你睇到啦。”
（言歸正傳）
子華：“今時今日唔環保啲呢人點鬧你吖？”
觀眾s:“打飛機！”（其實我聽唔到嗰觀眾噏乜，後來聽華夢Q群華迷講返先知）
子華：“你係咪有精神病？你仲有乜嘢大家唔適宜聽，我一次俾你講曬佢。我哋有細孥仔喺度，你唔好睇佢個人幾廿歲，心智好多都係細孥仔呢嘅。呢啲教壞曬我啲觀眾我話俾你聽。如果你再講，你就要示範。OK？”（子華好有火吖。http://www/uc/myshow/blog/misc/gif/E___6722EN00SIGG.gif）
（觀眾s拍掌）
子華：“俾佢講完個幾隻字，我唔記得自己講乜，我講緊咩咖？”
觀眾s:“唔環保”
（言歸正傳）
子華：“係囉，你要啲偉哥嚟做咩？”
觀眾s:“俾你吖！”
子華：“邊個女仔講？三四個女仔講，呢三四個女仔好似對我好唔滿意咁。”
觀眾s:“除褲……除褲……”
子華：“你哋有冇生理常識咖？而家除咗褲唔表示任何嘢，OK?吃之前同吃之後係唔同咖。通常過分興奮嘅人係咪吃咗偉哥先入場。次次有人咁樣答，我個樣係咪好需要吃偉哥呢？”
觀眾s:“係……”
子華：“但係問題係關你咩事呢？”
觀眾s:“哈哈……”
子華：“你好似想我吃咗從中會得益。唔係吖，我阿爺話係俾啲龜吃嘅。”
（言歸正傳）
（上半場完場，子華向觀眾鞠躬，拿起件衫準備行落臺。）
觀眾s:“回水……回水……”
（子華行返上臺）
子華：“你哋唔覺得個show短咗啲咩？但走你又唔Encore咁樣喔”
觀眾s:“Encore……”
子華：“我都走到入去啦，你再遲啲吖！邊有人哎人Encore咁樣衰咖。但問題你哋唔應該嗌Encore，因為個show又未完，只係中場完啫”
觀眾s:“回水……”
子華：“但係中場完了，咁點解同大家鞠曬躬，多謝大家咁正經。因為各位下半場真正完嘅時候，我放低個嘜，我就唔會攞返起，所以而家我做曬應該做嘅嘢先。我衷心多謝深圳嘅觀眾，Thank you。”
（鳴謝單位省略）
（下半場開場，換咗套飲衫上場）
子華：“點吖？套衫得唔得吖？”
觀眾s:“得……”
子華：“型唔型吖？”
觀眾s:“型……”
子華：“你而家覺得我型……三……”
觀眾s:“乸型……”
子華：“係吖，乸型都係一種型，OK?乸型都有型嘅乸型同唔型嘅乸型。”
（言歸正傳）
（次次講到生仔特別多笑料。http://www/uc/myshow/blog/misc/gif/E___6724EN00SIGG.gif）
子華：“喺香港，我哋生仔嘅人係有前四後六，總共十個禮拜假期，喺深圳係幾耐？”
觀眾s:“一日……一年……”
子華：“喂，你哋差距都好大，呢個話一日嗰個話一年。你生咩仔吖？質素差咁遠。究竟喺深圳有幾耐吖？”
觀眾s:“98日……三個月……”
子華:“38個月，三個月。我信邊個好吖？唔好，揾個最近生個仔嘅同我講，邊個最近生過仔嘅？”
觀眾s:“呢度……”
子華:“喺呢度。喂，照下佢啦，唔好照住我先。邊度吖？最近生過仔，照下佢，過邊，過邊。你最近生過仔吖？睇你個樣真係唔似喔，真係唔似有仔生吖。”
（呢被子華欽點觀眾，係我哋華夢Q群內一位華迷。）
子華:“你唔好照我吖，照住佢吖。咁佢咪認得出我囉，你而家照著我，你照住佢，開笑啫。恭喜，恭喜，你位係先生下嘛？唔係喔，睇佢個樣似經手人喔。唔識吖？睇唔出你哋咁開放喔，越講越離譜了，真係。”
(燈光師將燈光移開咗）
子華：“你照住佢，唔好離開佢。（普通話）照著她，（英文）shining her.”
子華：“你最近生過仔。”
（女粉絲點點頭）
子華：“修身修得好好，俾我睇清楚啲得唔得吖？好，我哋信你。可以放幾耐假？”
（燈光師又將燈光移開咗，子華向燈光師方面講）
子華：“（北京腔普通話）幹嗎，你是幹嗎呢？不是照著她嘛。她在那嘛。你聽不明白我吖，不會吧。”
子華：“三個月，係，肯定。”
（女粉絲點點頭）
子華：“OK，唔該曬”
子華：“問多個問題，（普通話）先別走，別走，別走。三個月大家覺得夠唔夠吖？”
觀眾s:“唔夠”
（子華向女粉絲問）
子華：“你覺得夠唔夠吖？”
（女粉絲搖搖頭）
子華：“你覺得幾多先夠吖？”
女粉絲：“一年。”
子華：“OK，唔該。”
（後面省略……）
喜欢
0
赠金笔