29-4-2016

ON.CC

林峯克服畏高　堅離地30呎

http://hk.on.cc/hk/bkn/cnt/entertainment/20160430/bkn-20160430013411773-0430_00862_001.html

嘩，咁多嘢睇，都幾抵。

【on.cc東網專訊】 歌手林峯的紅館騷《Heart Attack LF Live In HK》演唱會去到中後段愈來愈精彩，終於來到最令人期待的「凌空360」部分！他身穿黑色西裝企上單人透明底吊台，獻唱《Light Up My Life》，本身有綁着威吔的他緩緩被吊起，並吊到紅館「山腰」位置跟Fans打招呼：「山腰嘅朋友你哋好！今日全場都係VIP！」其後林峯愈唱愈High，大叫：「再吊高啲！」吊台即吊到台頂「堅離地」30呎，全場睇到嘩嘩聲！克服畏高的林峯表現淡定，笑容滿臉跟Fans揮手，時坐時企完全唔怕高，當唱到《Let's Get Wet》時，林峯整個人被吊至離開吊台，只靠威吔承托「凌空行走」，他更藝高人膽大做出多個大動作娛賓，令全場尖叫聲此起彼落！其後，吊回舞台時發生小插曲，林峯的威吔kick一kick，最

林峯淡定地脫掉身上的威吔跳上舞台，型到爆炸！

騷肌唱得一首歌

其後林峯轉Look換上白背心黑褲的他騷麒麟臂唱《One More Time》，與多位半裸男Dancers起舞，唱至《Once Again》他更High到除去背心大騷身上的彩繪，此時阿峯半裸上陣！冇錯！係半裸上陣！最期待的畫面終於出現了！狂減逾20磅的林峯他身上完全零脂肪，六舊結實腹肌相當明顯，Fit爆Body到令人狂流口水，全場Fans自然嗌到拆天！其後舞台突然由下而上噴水，之後又大玩火花效果，極盡視聽之餘！不過雖然操肌多時，但阿峯竟然只騷肌一首歌時間，唱下一首成名作《Chok》時就笠上黑色網衫，略嫌令人唔夠喉！

其後林峯跟Fans深情傾偈，多謝Fans及唱片公司：「咁多年音樂夢想喺晒呢個演唱會度，呢個騷好似冇咩點講嘢咁，一陣要講場番多啲！今次好大突破，要爆衫，第一次開騷已經想爆衫，但冇時間操肌，今次係最辛苦一次，但亦係最開心！」之後獻唱新歌《旁觀者悲》。

咁驚梗係坐底平伏吓先。

嚟喇喂！

睇到都驚。

飛喇嗱！飛喇嗱！

真係嚟喇，真係嚟喇。

一飛衝天。

同場加映表現無窮臂力！

好勁啊。

好大隻啊。

之後林峯仲一嘢除咗件衫。

好陶醉啊。

全場勁high。