29-4-2016

ON.CC

怕女友呷醋？林峯揀圓潤女粉絲互動

http://hk.on.cc/hk/bkn/cnt/entertainment/20160430/bkn-20160430024815514-0430_00862_001.html

林峯大晒傷口。

林峯仲話次次唱《Broken》都會受傷。

【on.cc東網專訊】 林峯於紅館舉行演唱會，完騷訪問時，阿峯現身後台，一臉笑容展示手掌上的傷口，雖然已經完騷，但未有貼上膠布，傷口更長達5cm，講到他開場不久左手受傷，阿峯表示：「次次唱親《Broken》就真係Broken㗎喇，幾年前又爆咗，今次我畀個飾物鎅親，我最驚係啲血滴咗落地下，會跣親自己或者舞蹈員，其實見紅都未必係壞事。」講到會否影響之後的演唱會？他表示沒有問題。其中一part會舞台急轉，阿峯表示：「好好玩喎，今晚開到30（轉速），最快可以50，如果安全可以再推快啲。」講到在演唱會中吊威吔吊到舞台頂，阿峯表示：「第一日會緊張啲，聽日會有多啲時間，試多啲動作。」他又表示女友吳千語好鼓勵他搏盡開騷，因為花了很多心機時間練習。

女友安心又放心

演唱會中段阿峯在台上與多位女粉絲互動，嘉賓組合農夫揀咗唔少索女上台，有女粉絲短裙晒腿、黑衫透白Bra上陣非常性感，有女粉絲在台上自拍時更不慎露裙下春光，不過阿峯自己就非常「識揀」，去台邊手拖手帶咗一位身形較圓潤嘅女粉絲上台合照，兩位索女粉絲夾實阿峯自拍時，阿峯成個人僵硬坐到直晒，郁都唔敢郁，相反同佢自己揀嘅圓潤女粉絲自拍時，阿峯就成個頭挨晒落去，態度真係有好大分別。問阿峯是否怕女友呷醋先至咁揀？他表示：「唔會，（特登揀個圓潤粉絲？）唔關事，有效果啲，佢好Enjoy。」

唔畀女友再睇？

講到女友吳千語今日有來捧場，可會睇足三場？阿峯表示：「唔會啩，留返啲飛畀人啦。（特登留個靚位畀佢？）我都唔知佢坐邊，又唔知佢睇邊場。」講到他唱到《愛不夠》時，情深款款望住女友，他表示：「咁啱啫，我都睇唔到台下面嘅。」

好似林峯咁識揀，女友安心又放心啦！

農夫揀專嘅索粉絲，短裙晒腿、黑衫透白Bra樣樣有，都唔知係咪有心靠害。

兩位索女夾實林峯玩自拍，林峯成個人硬晒坐到直一直。

梗係啦！吳千語（紅圈）喺台下𥄫到實喎。

林峯自己去揀呢位女粉絲就一定冇問題啦！

仲挨晒落對方個膊頭度。

吳千語笑得咁開心就知有幾安心啦！

林峯握手時搵緊女友去咗邊。

同女友握手時個樣笑度呢！

林峯話個台會轉好好玩，之後仲可能會轉得再快啲。

吊高咗。

再吊高啲。