29-4-2016

 

蘋果即時

【開騷見紅】唱完《Broken》指公Broken流血 林峯同粉絲握手:唔好咁大力 (視頻)

http://hk.apple.nextmedia.com/enews/realtime/20160430/55046758

 

林峯噚晚喺紅館舉行演唱會，卻不幸發生流血事件，佢唱完《Broken》後左手姆指就出現傷口流血，林峯傷「指公」後，佢一直忍住唱到完騷，果然專業。峯峯手指受傷，真係有苦自己知，所以同粉絲握手環節，佢猛叫：「唔好咁大力，有傷口。」

 

完騷後林峯接受訪問時話：「唱完《Broken》，可能我手指摸到身上飾物割傷。」佢展示傷口時，未有包膠布，傷口流血都結焦，傷口長約5cm，幸好只係皮外傷，未算嚴重。林峯仲話：「我擔心滴血會跣到dancer，𠵱家冇乜大礙。」

 

 

 

 

ON.CC

林峯感激歌迷支持：你哋令我有番信心

http://hk.on.cc/hk/bkn/cnt/entertainment/20160430/bkn-20160430013540766-0430_00862_001.html

 

【on.cc東網專訊】 林峯在紅館舉行《Heart Attack LF Live In HK》演唱會，載歌載舞一整晚後，到尾段時跟Fans作深情對話，他坦言這晚心情相當複雜：「多謝紅館，大家喺呢度見證我做到呢個創舉，從來冇表演者升到山頂咁高！呢兩年我音樂方面好似停止咗咁，都希望有新衝擊，依家想用我嘅方式表達對你哋嘅愛，現場好多人都睇住我大，近兩年我好似少咗啲影視作品，遲啲會陸陸續續多番啲，其實大家依家都有睇影視作品呀，不過唔係睇我啫！」說罷唱出熱爆韓劇《太陽的後裔》插曲。

 

之後林峯表示近兩年工作減少，曾擔心大家是否已忘記他：「隔咁多年都擔心大家係咪唔記得我，但你哋嘅感覺令我有番信心，今次唔知係唔係我最後一次演唱會，因為我比較貪心，想音樂影視各方面都更多作品。」最後他再向觀眾致謝，並唱出全晚最後一首歌曲《愛在記憶中找你》。

 

林峯坦言這晚心情相當複雜，仲話現場好多人都睇住佢大！

 

載歌載舞成晚之後，佢就同Fans作講自己嘅感受。

 

佢仲表示遲啲會多番啲影視嘅作品。

 

林峯最後就再次多謝大家嘅支持！

 

佢就擔心自己畀人唔記得，但今次演唱會令佢重拾信心！

 

 

 

林峯激瘦開騷　農夫：開十場會得番廿磅

http://hk.on.cc/hk/bkn/cnt/entertainment/20160430/bkn-20160430023040912-0430_00862_001.html

 

【on.cc東網專訊】 藝人林峯假紅館舉行《HEART ATTACK LF LIVE IN HK》演唱會，期間組合農夫更在大會播放的短片中，化身醫生品評被白布蓋着的林峯，更大爆黃色笑話謂：「呢個樣一睇就知佢短命啦！等我睇吓佢有咩長處先？佢得一樣嘢係長，咁長借啲嚟使啦！點解啲海綿體切極都切唔斷嘅？」

 

大騷力的表現

 

在林峯為觀眾獻唱《COME TO ME》時，五角舞台突然傾斜升高兼旋轉，林峯更KING KONG上身，手把手大玩人肉鞦韆騷力的表現！之後輪到農夫登場，一黑一白似足黑白無常，除揶揄林峯太型齋唱唔講嘢之外，更爆演唱會只得三場的原因：「如果開十場，佢可能得返廿磅，第時巡迴演唱嘅話，唱到最尾幾場要用顯微鏡先睇到佢！」

 

農夫笑料不斷

 

農夫出場笑料不斷，二人繼續借《Heart Attack LF Live in HK》騷名開玩笑，將它翻譯成中文：「應該係叫做《林峯心臟病發演唱會》，我哋都要開番個《農夫尿道炎演唱會》。」

 

農夫之後終於表露心跡，自爆有任務要為林峰揀五個女仔，而條件有五個，首先需要是女性，其次係坐得近，第三個要有着衫，之後仲話要單身同埋唔好咁靚，期間更突然有粉絲大嗌可為林峯除衫！

 

最後農夫帶咗五個女仔上台排排坐，林峯除咗對住佢哋唱歌之外，佢唱唱吓坐咗喺粉絲隔籬，仲要貼到實，仲要用電話瘋狂自拍！之後林峯仲將手上戴緊嘅手錶送畀其中一個女仔，仲親自幫佢戴添！之後林峯終於大開金口，同現場觀眾第一次打招呼，仲揚言要同大家接近距離！

 

林峯開騷一手血　爆衫騷肌肉氹女友

http://hd.stheadline.com/news/realtime/ent/1064693/

 

「HEART ATTACKLF LIVE IN HK林峯演唱會」一連三場，今晚於紅磡體育館舉行，並吸引到黃子桓夫婦、陳淑芬、黃偉文、馬榮成、梁烈唯、朱璇、楊受成夫婦、英皇高層吳雨、泳兒、樂易玲等入場欣賞。身為女友的吳千語與林峯堂妹林夏薇及馬天佑同行到場，坐在第一行中間有利位置欣賞林峯演出。

 

一開場，身穿紅色外套的林峯躺在升至半空的透明棺內，於女友吳千語面前突然甦醒，隨即他獻唱「HEART ATTACK」與舞蹈藝員大跳勁舞。隨即唱第二首歌「BROKEN」時，林峯被身上所戴的飾物鎅傷手，搞到成手身血，不過他表現淡定繼續又跳又唱。其後大唱「影子的愛情故事」，舞台升高至傾斜45度，林峯於台上大跳現代舞，大玩視覺效果。

 

當晚擔任嘉賓的農夫出場時自我介紹為天使，又搞笑地說今次要代林峯挑選五位粉絲上台，長相不能太靚先可做身體接觸；又指林峯開騷後鎅傷手，呼籲大家切勿大力跟跟林峯握手。

 

當林峯再度出場後，便自動走到被選中的女粉絲旁邊唱歌玩自拍，更拖住女粉絲在女友吳千語面前跳舞。獻唱期間，林峯走到台邊跟觀眾握手，也不忘跟女友吳千語及馬天佑握手，認真識氹女友。

 

唱「BB」時，林峯在半空的路軌上環迴360度跟山頂的觀眾打招呼，又搞笑問：「係咪好抵睇呢？」，而且要求路軌台升得更高，其後唱到「LET ''''S GET WET」，他被吊到半空凌空做出懸浮的動作，但尾聲降落台時，路軌台下降，不過他被卡在凌空，幸好與地面好近，他自行鬆綁落地。

 

當舞台灑水前，林峯爆衫騷肌肉，大曬早前狂操腹肌的成果，不止引來在場觀眾大叫，就連吳千語表現睇得好開心。

 

林峯開騷不久即鎅到一手血。(小圖)

 

吳千語在演唱會上顯得興奮。