上期讲完食好油嘅重要，今期要讲一吓边啲系坏油

坏油第一把交椅---植物牛油 Margarine

好多人以为「植物牛油比牛油健康安全」，咁谂就大错特错！

因为所谓植物牛油（又名人造奶油）系属于氢化植物油（Paritially Hydrogenated Vegetable Oil），含有反式脂肪酸（Trans Fatty Acids），食咗会令身体无法正常代谢、增加坏胆固醇、令细胞膜缺损、血管硬化、心肌梗塞、脑中风、过敏、免疫力下降、肥肿、产生毒素等 人造奶油除咗用嚟搽面包，市面上极多食品用佢制造，例如造面包或饼干必用嘅植物性酥油，佢可以令糕饼、面包的口感更好。而且氢化油唔容易败坏，可重复高温油炸，令食物酥脆同卖相好（我戒唔到面包，唯有撕咗层皮先食 ，因为油系搽晌外面。如果系成个酥松的包如牛角包，我就唔食），所以好多人锺意用氢化油嚟炸食物，例如薯条、炸鸡、薯片、饼干、油炸鬼等。因此，成日出街食饭，同埋锺意食零食嘅朋友，你可能晌不知不觉中食咗好多对健康有害嘅「毒」!

简单Ｄ讲,反式脂肪 、油炸食物就系毒

因此，美国政府规定，由2006年起，食品要清楚标示反式脂肪酸嘅含量。而纽约市政府现已经全州禁用反式脂肪酸！丹麦亦禁售含反式脂肪酸超过2%嘅食品！希望香港政府都能够早日正视呢个问题啦

下期记住睇吓仲有边啲系毒油呀！！

ANGEL金句：千祈咪「食毒」

真实个案

曾有位约25岁嘅OL嚟我公司问减肥疗程，我问佢锺意食乜﹖佢一口气答：「面包、饼干、薯片、鱿鱼丝、炸鱼旦、炸鸡等煎炸香口食物，仲有炒饭、Pizza等」 「得啦得啦！唔使讲啦    食咁鬼多毒梗肥啦！ 」「我无吸毒喎！ 」「唔系话你『吸』毒！系串你『食』毒！ 你成日食嗰啲食物，系充满毒素架！你唔使俾钱买疗程，（本来想讲多句：你留番啲钱睇医生啦！后来谂吓唔好串咁尽，呢句无讲 ）你戒食以上食物，跟我免费送俾妳嘅健康瘦身餐单食啦」

点解唔赚佢钱﹖我公司嘅健康瘦身疗程，系食疗配合做机，佢咁食嘢法，好难会跟足食疗。而且好多人心理，以为俾钱买Course瘦身，就希望瞓晌度就会瘦，所以我情愿先教识佢健康之道。我话：「你乖乖跟我嘅餐食，唔明上Blog问我，等你瘦咗1O磅，我送个Facial鼓励吓你啦」

结果，佢真系好快瘦咗1O磅 ，又真系再搵我，佢做完Free Facial后，仲一口气买咗20个Course添.