五行瘦身法

女仔都希望身形窈窕，我知好多人为咗瘦身，会节食捱饿或者乱食减肥餐，除咗效果唔理想，仲会影响健康，所以今期特别介绍一个滋补瘦身嘅「五行瘦身法」俾大家！

天地有五行，人有五脏，而呢个瘦身法就系将五脏配合五行。五行除咗指金、木、水、火、土，其实亦代表咗人体嘅五脏：心、肝、脾、肺、肾，仲可引伸出五色：白、青、黑、红、黄。即系话，每种颜色嘅食物，都对相关嘅内脏有滋补功效。所以只要每餐都吸收到五色食物，就能做到五行相生嘅理念，调和五脏同埋调节整体机能。当五脏运行得畅顺，身体自然可以维持正常新陈代谢，将食物转化成能量消耗，咁样就唔会积存晌体内变成脂肪啦！而且身体有足够精力，纤体就自然事半功倍！

五行瘦身餐简单易做，就算唔识煮饭，只要跟足内容去做，一定煮得掂！重点系瘦得劲快，而且同时补身，绝对可以瘦咗、靓咗，又健康咗! 呢个餐仲有排毒清宿便嘅效果，如果能配合可加速大肠蠕动嘅草本茶（可到万宁找，有较多草本茶可拣），瘦腰腹效果劲正！计我话最好约埋几个同事或老友一齐做，既好玩又可互相加油！正！

五行瘦身餐(5日瘦3-6磅)

早餐：任何蔬果1-2个 + 1片全麦方饱，1杯能量姜枣茶

午餐：瘦甘露（全用低脂奶酪）  

1. 金瘦甘露 - 香蕉、梨各1个、低脂奶酪

2. 木瘦甘露 - 青瓜、奇异果各1个、绿茶粉1茶匙、低脂奶酪

3. 水瘦甘露 - 黑豆浆1盒、低脂奶酪

4. 火瘦甘露 - 苹果连皮、蕃茄、红萝卜各1小个、低脂奶酪

5. 土瘦甘露 - 菠萝、木瓜各1块、低脂奶酪 

    做法：将蔬果及1杯奶酪放入搅拌机搅成汁即可 

下午茶：杂菜蒟蒻卷 
材料：无味精鸡汤1碗、杂菜1/2碗、蒟蒻卷5件 

做法：鸡汤滚起，加入杂菜及蒟蒻卷，煮至熟透即可连汤食用

晚餐：随意食，但必须将肉类及淀粉质分开食，如肉+菜、海鲜+菜、饭+菜、面+菜等。  

能量姜枣茶：姜汁1茶匙或姜2片、5粒红枣、红糖1菜匙及1碗水

            做法：用中小火煮15分钟即可

＊备注：午餐与晚餐可互调