強哥話想食叉燒炒蛋，咁就走去買佐條叉燒嚟炒。

舊年咁樣一條叉燒13蚊，今年18蚊，總要少佐三分一，切好成條得啲咁多~~

乜都係咁加價，點搞咧。。。。

三分一洋蔥，少少蔥花，一條叉燒，三個蛋

香噴噴叉燒炒蛋~~

好耐無買過芥蘭食，明知依家食芥蘭麻麻，不過都係買佐一斤，碌熟伴蠔油食。

碌緊嘅時候走去聽佐一個電話，傾佐幾句返嚟，啲菜黃哂，失敗~~

家常便飯，開飯~~

口淡淡咁，煲佐少少薑糖水，飲下，聽朝再煲一煲仔，聽日早餐食薑糖水湯圓先得~~