三点几四点奶奶突然打嚟电话「原来今日係三佬生日喎，返嚟食饭啦」

哈哈哈，快乐不知时日过，奶奶都唔记得佐三佬原来当日生日，係无意睇日曆，先留意到，就急急脚走去街市斩料加餸，叫齐几兄弟返嚟食饭。

除佐二佬照旧好忙唔返到，个个收佐工都赶佐返嚟。

临时临急，同大佬无买到礼物，唯有封个利是俾三佬，大个仔啦，快啲搵返个女仔锡自己啦~~

阿三叔：生日快乐~~~

~~~~~~~~~~~~~~~~~~~~~~~~~~~~~~~~~~~~

虽然时间好赶，不过奶奶都整到成檯餸出嚟，真係叻女~~

自家手打鱼胶让豆卜~~

加埋洋葱胜瓜同煮，好清甜~~

蒸鸡~~好滑~~

虾仁韭黄炒蛋，老爷炒的，油落得多佐啲，不过蛋无油，就唔香㗎啦~~

外卖烧腩~~

总有一碟外卖烧鸭漏影佐~~

老爷係渔排自己网到少少多春鱼仔，细係细啲，不过胜在够新鲜，奶奶用炸粉，将佢酥炸，强哥超钟意，食佐好多~~~

老爷係渔排网到一条大墨鱼，咁就自己打佐碟墨鱼丸，又酥炸~~~

听老爷讲，网到啲蟹，养住係渔排，过一排等佢长大啲再带返嚟食~~

无时间煲老火汤，咁就整佐粉肠瘦肉煲紫菜汤，短短时间，整到咁多餸出嚟。

薑，果然都係老的辣~~~

劲啊奶奶~~