茄子係我锺意食嘅食物之一.

不过食过好味嘅茄子,多数需有要先用油炸过.

油炸过嘅茄子更易入味同埋食落先唔会生水.但係一嚟健康着想,油炸始终未有健康阴影,二嚟油炸,需要大量嘅油,好浪费.

所以通常整茄子嘅餸菜,为佐令佢易入味同埋唔会食落生水,我多数会先蒸佢几分锺,有油炸之后嘅效果,又健康啲.

茄子二条,滚刀切,隔水蒸五六分锺.

准备配料"荽莤葱同蒜蒜"

做法:

1,猪肉沫用油盐糖酒清水醃好味,落油入镬,炒香蒜蒜,倒入猪肉炒散.

2,倒入蒸好嘅茄子,落蚝油同水略焖入味.

3,倒入荽莤葱,少少麻油埋尾,最后装入烧热的瓦煲,搞掂.

买了同真的一支蚝油试下,咦,味道蛮香的,而且用来煮菜,能带得出餸菜的鲜味,如果是烫菜,我都是喜欢用返李乜记旧装果款,不过煮菜,这款蚝油,蛮带得出鲜味,不错......

好惹味嘅一煲小菜....

蠔油茄子煲

韭菜切碎碎,蛋煎碎碎,肉碎碎,炒埋,盐俾味,搞掂~~

去湿汤水"冬瓜,猪骨,生意米,赤小豆"煲够火候,盐俾味....

真係几去湿架,去佐好多次厕所,眼袋都消佐好多添.......

埋位,開飯~~~

夏季最令我欢喜嘅係生果.

其中以荔枝为我最爱.

妃子笑係最先上市嘅品种,与别不同嘅清香滋味,荔味并非最为浓郁,但胜在肉厚汁丰核细,食起上嚟非常地过瘾痛快,

要食就趁依家,过一排,糯米糍,白腊,黑叶相继上市之后,妃子笑就慢慢退出,要食又要等待来年的此时.

细个时多数食售价较为廉宜嘅白腊,所以心目中认定荔枝最基本嘅味道就应当如此.

相较之下,稍嫌妃子笑味道稍澹,糯米糍过于香甜滑流,多食味滞难顶,唯独是最平最犯滥嘅白腊黑叶一类荔枝,反而最令我滋滋有味食之不厌.

每年嘅夏季,心理上认定,係由荔枝嘅上市为开始的标准,以荔枝嘅收市,为句点.

卢菰都係我几锺意食嘅生果,细细品味之下,先欣赏得到佢果份清幽雅意,澹澹地散发着自己独有的魅力,叫人无意之中深深吸引,一发不可收拾.

最好係买皮略带深色,表示完全成熟,会更香甜,而且剥皮之后唔会有生涩浆汁沁出.

夏季,係尽情享受水果欢愉的季节........