因为口味係好个人嘅一件事.

所以无一味餸係可以取得全世界人嘅认同,了解到依个事实之后,我发觉到要享受烹调嘅乐趣,更多时候需要自己嘅一份信心同随意,相较之下,与其去顾虑它人嘅想法,倒不如,坚持同完善自己嘅能力,去影响它人嘅谂法直至认可自己嘅做法,要嚟得更轻鬆一些.

煮餸同做人或者处事,其实係一理晓,百理通嘅.

~~~~~~~~~~~~~~~~~~~~~~~~~~~

我嘅短处係无耐性同无记性,亦都从来唔打算去纠正或者改变,为此我好需要为自己揾到一个合理嘅理由去解释自己嘅放任并籍此得到释怀,因此,我得出以上嘅结论,希望可以用"随意"为所有行为做出最合理的解释.

~~~~~~~~~~~~~~~~~~~~~~~~~~~

所以好随意嘅我,係好惊需有要精准量化嘅食谱,单位需有要精确到毫嘅地步嘅时候,我多数时候会选择投降.

所以多数时候我係无办法俾出一个精准数字嘅食谱,

如果整惯食嘅人,基本上睇一个食谱 ,只需要睇下材料就基本上心中有数,但係对于初初入厨嘅人嚟讲,份量嘅多寡,又真係好有需要俾返个参考嘅.

为佐照顾真係厨房新手嘅朋友,无意揾到一个好简易,好精准数字嘅食谱,试整佐一次,觉得味道真係几好,所以摆上嚟俾大家参考下,有兴趣可以试住整一次,基本上,好难会失手

----------------------------------------------------------

首先,准备煮食基本嘅材料同工具.

一个镬,任何镬都可以.

一扎葱,一粒八角,一个汤匙.

用同一个汤匙为计量单位,准备:

绍酒一汤匙

白糖二汤匙

生抽三汤匙

陈醋四汤匙

清水五汤匙

一二三四五,就较好味啦.

排骨一磅,直接摆入调味度,开中火煮至收汁.

因為我用嘅鎮江陳醋好靚,煮出嚟嘅排骨色澤好靚,味道真係好正,無論係甜度或者咸酸度,都恰到好處,又簡單,又好味,

任何廚房新手,都一定可以整得成功嘅一味餸,試下........

另外,用菜仔同魚片同年糕,以蠔油俾味,簡單地炒埋一碟.....

鮮甜好味尼......

加埋隔夜湯,一個無難度嘅一餐,就搞掂........