整佐好多个大包啊....

全肉大包.....有无罪恶感?

答桉係"无"

实在太美味....虽然係自己整嘅,不过都係要赞下自己

"强嫂,你依次真係整得好好味啊....."

依次嘅肉馅味道较得好好.

我换佐一隻白酒嚟当料酒俾味,原来唔同嘅料酒真係会有好大嘅分别出嚟嘅味道.

肉就用佐梅头肉剁碎,三肥七瘦左右嘅比例(目测).

剁好嘅肉,用"白酒,胡椒粉,生粉,糖,豉油,鸡粉,大量水"搅至起胶,然后落大量葱花,少少姜蓉,少少麻油捞匀.

个馅就整好啦.

(强哥话个味道劲似佢係上海食过嘅小笼包嘅味道,咁下次可以自己试下整"灌汤小笼包")

我好重手咖,包好大一旧肉馅入去,咁食落先至够满足......

除佐整包包,想试下无咁多肉会係点.

咁就将一旧面糰搓成薄薄一片,然后抹上一层肉馅.

再将佢卷卷卷起,两头压实埋口.

包好之後放置五分鍾,就開火蒸18分鍾.

因為個肉餡較大,所以蒸耐啲,確保佢熟透.

个个都发得好靓啊....係有一个卷卷,可能我压得太薄,压死个酵母添,佢竟然发唔起.....不过依然都好好味WO......

睇下剛剛蒸好嘅肉包....

汁鮮美多到流瀉出嚟添啊......

大大一碟....夠幾日嘅早餐啦.....

切開個卷起嘅包包俾大家睇下,雖然無咁多肉,不過原來都係一樣好好味,無咁多肉,食落包保唔會流......

鮮肉大包,諗起都覺得好好味......