今日早上见到网友"煮一煮的自制年糕食谱",觉得又易整又係我锺意食嘅嘢,咁就即刻开工自己又试下.

觉得自己真係几强行动力嘅~~~~

我个量米的杯仔细细,刚好俾我试玩下.

咁就一杯糯米粉,一杯粘米粉.

唔理咩容器啦,总之一半一半就得啦.

煮一煮同学嘅食谱係将加佐水嘅粉糰取一部份出嚟再煮过佢,咁我贪方便,直接冲一部份刚刚煲滚嘅滚水入去,用热力碌熟一部份嘅粉,因为碌熟嘅粉就会产生粘性,咁就易搓个粉糰,同埋蒸好之后口感会软糯感强啲.

冲佐一部份滚水之后,快速拨一拨,等滚水碌到多啲粉,然后再冲冻水入去,慢慢搓个粉,等佢可以搓到成形.

睇下,就搓成一个光滑嘅粉糰就好啦.

然后就咁摆係室温下十五分锺,等佢醒一醒.

跟住揾个碟,擦少少油,将粉糰分成两份,然后搓成条状,上镬隔水蒸二十分锺.

真係超级简单嘅一个食谱.....

我未等佢冻哂就切片,切得好丑样,应试等佢冻佐先好切啲,不过新鲜就咁试食佐几块又几块,又真係好好味啊....

有我锺意嘅糯米味......

边食已经边想到好几种食法啦,以后想食,随时都可以整到啦.....

真係多谢煮一煮同学咁好嘅食谱推荐.......

我想用来凉拌都一定好好味.....