“知趣”迭嗰词语是一句上海閒话，伊呃意思主要是勒拉讲：做人起码要去懂得一眼眼最最基本呃各类人情世故，自家更要去晓得，既勿管是啥呃人，也勿管是勒辣啥辰光跟场合下头，都应该去明白，勒拉迭嗰辰光，啥呃閒话是吾伲好去讲呃，啥呃事体又是吾伲好去做呃，千万覅恁去弄错忒哦！总而言之归纳起来讲，就是——做人言行一定要恰如其分适合伊嗰身份，要是弄了勿好会让人感到错气。

实际哴向，“知趣”迭嗰词语勿是现在侪开始有、侪开始流行起来呃，古已有之，最最早是出现勒拉吾伲国家历史哴向呃宋朝时期。宋朝时期有一位词人叫做赵德庄赵彦端，伊撰写有《永遇乐·陪程金溪跃马用其韵》一词，勒拉其中伊就讲道：“笑看相，风林露草，古来有谁知趣。”还比方讲：中国四大古典文学名著中呃《西游记》，勒拉第九十三回就讲道：“你这黑子不知趣。”同样是中国四大古典文学名著呃《红楼梦》，勒拉第二十七回也有一段关于知趣方面呃閒话，也讲道：“凤姐打量了一回，见他生得干净俏丽，说话知趣。”

勒辣老一辈呃上海人看来，人与人之间打交道跟交往是在所难免呃，阿是勿可缺少呃，所以邪气看重打交道交往呃人，是勿是一嗰“知趣之人”。假使讲伊本人是“一嗰知趣之人”，就跟伊继续、长期打交道交往下去，辰光一长久而久之，以后还有可能成为交关要好呃好朋友哩；假使讲伊“勿是一嗰知趣之人”，一趟两趟也就算了，到了第三趟，要是伊本人老是屡教不肯去更改改正呃閒话，噶末打交道轧朋友就只好到此为止了，再啊么啥呃下趟仔了，下躺仔再啊勿愿意去跟迭种人碰嗰头、打交道轧一嗰朋友了，就算偶尔勒拉马路哴向碰到了迭种人，阿会装作呒认得伊，甚至于还会得去压压较避避开！

“知趣”是邪气邪气重要呃一种好品质哦，勒辣老一辈上海人看唻，绝对是勿可缺少呃一种好品质，老一辈上海人是邪气看重迭种品质呃，所以呒管勒了啥呃辰光、是啥呃人，做人一定要去懂得“知趣”，更要去“学会知趣”，老一辈上海人是最最欢喜跟“邪气知趣人”轧一嗰朋友。要是伊本人“勿是一嗰知趣之人”，不仅从开口到闭口，勿会得去跟迭种人讲一句閒话，更勿会跟伊有啥往来与交往了。

勒拉一般情况下头来讲，凡是那些勿（大）知趣呃人，大都数都属于“拎（大）勿清爽”、“勿（大）识相”、“看（大）勿出山水”呃一类人，像迭种人，伴随着辰光不断地前进跟推移，久而久之，伊肯定会的倒（大）霉、跌一嗰（大）跟头、吃（大）屈哦……实际哴向，凡是交关知趣呃人，都是看得出山水呃人，“知趣”跟“山水”勒拉某些情况下头，还是可以去划一嗰等号呃。侬去看，凡是那些勿是邪气知趣之人，勒拉一般情况下头，都是看大勿出山水呃人，要是有人跟伊指出伊本人勿是一嗰知趣之人，有些人依旧还会得当做补药去喫喫，讲呃人归讲呃讲，伊本人依旧会得我行我素依然如故！

还有就是，老一辈呃上海人，对付那些“勿（大）知趣之人”、“拎（大）勿清爽”、“勿（大）识相”、“看（大）勿出山水”呃一类人，最最好一嗰办法，就是寻到了一嗰好机会，轻者，就请伊喫喫毛栗子，重者，就要请伊去喫一顿“辣货酱”哦，所以勒了上海呃方言俗语当中，就有一句閒话叫做：“勿识相，要喫辣货酱！”

另外，勒拉老一辈上海人还邪气欢喜去讲迭恁一句閒话哦，曰道：“勿识人头，吃煞苦头！有借有还，再借勿难哦！”……迭句閒话伊呃意思同样是勒拉指：勿管是啥呃人，做人一定要知趣、是一嗰知趣之人，凡是勿（大）知趣之人，伊肯定呒啥好日脚可以去过呃！

勒拉通常情况下头来讲，凡是那些“勿（大）知趣之人”，往往都是属于“拎（大）勿清爽”、“勿（大）识相”、“看（大）勿出山水”呃一类人群哦，迭种人弄到了最后，绝对呒会得有一嗰好结果哩，勒拉实际生活当中、勒拉吾伲呃人生旅程之中，多多少少就会得碰到迭恁样子呃人。有得交交关关呃人，伊自家还勿一定晓得明白伊是迭恁样子呃人唻，一旦等到伊自家去发觉了，好像情况跟苗头有一眼眼呒大对头呃閒话，迭嗰辰光为时已晚了，绝对是来勿及了！

勒拉人与人之间打交道、交往跟轧男女朋友呃过程当中，凡是勿（大）知趣之人，往往是勿大容易受到大家呃欢迎啊，大家覅仅对伊呃态度会得像对待瘟神一样，对伊阿是敬而远之压压较避避开，就算实在是呒啥办法去避避开呃閒话，只好表面客客气气去应付一下，勿会得去拖泥带水多啰嗦些啥呃閒话哦。伊做人已做到了迭种地步，侬讲伊还有啥人米道伐？！迭种状况下头，覅但是勿（大）知趣之人呃悲剧，多多少少伊自家阿会觉得做人呒米道、亦缺少人米道了！

实际哴向，既覅管是啥呃人，也覅管勒拉啥呃情况跟场合下头，要做一嗰“知趣之人”，最最好呃办法，阿是最最简单方便呃办法，就是——多做事体少去讲各类閒话。有一句閒话叫做：“言多必失！”閒话讲得交关少，总归是勿错哦！如果一定要去讲各类閒话，要去发表一眼眼意见跟建议，只要简明扼要点到为止就好了。另外，还要做到尽量少去麻烦人家、少纠缠人家就对了、就是一嗰知趣之人！

有一些人，勒拉人与人之间打交道、交往跟轧朋友呃全过程当中，自我感觉勿要邪气良好哦，总认为跟大家呃感情绝对是好的唻呒啥呃閒话好去讲了，简直就是属于（好像）穿一条裤子呃亲兄弟姐妹哩，还好像自家是一嗰大领导一样，就可以自以为是呃去指手画脚，要求大家只要迭恁样子去做，伊恁样子去做，绝对是勿可以勿好勿来三呃，凡是有迭种想法呃人，侬讲伊是属于勿（大）知趣呃人伐？！勒拉某些情况下头、勒拉刚刚开始呃辰光，大家有可能碍于是朋友、碍于面子，勿好跟伊发啥呃脾气、翻啥呃毛抢，但是勒了内心深处已经勿（大）愉快了，多多少少有了一眼眼想忒伊拗断断交念头了，假使伊还勿晓得进退、勿会得去改改脾气性格，结果当然好勿到啥地方去，朋友阿会一个一个跟伊拗断，以后伊再阿么朋友、轧不着好朋友了……

覅但是迭恁样子哦，勒拉人与人之间打交道、交往跟轧朋友呃全过程当中，总归会有得一些勿（大）知趣呃人出现勒拉吾伲面前啊，还会自认为自家“绝对是一嗰万人迷”，更会受到“万众瞩目”通通围牢伊转哦，伊勒拉心里向会得想，亦会受到大家邪气热烈呃欢迎，像迭种人，弄到了最最后头，经常是弄得唻一眼眼落场水啊是呒的呃，还往往让人勒拉背后讥笑不已，更会得让畀人家去看一嗰笑话。

之所以会迭恁样子、之所以会常常有勿（大）知趣呃人出现（存在），个人是迭恁样子唻认识并认为呃，主要原因无非有得如下三种情况哦，第一种情况就是：跟伊本人所受到呃教育程度、个人经历与阅历、自身呃综合能力等综合因素绝对是休戚相关呃；第二种情况就是：跟伊本人勿大晓得，啥呃辰光应该去进跟退了，更勿大晓得哪恁去讲各类閒话、去做好各类事体有着莫大呃关系啊；第三种情况就是：勒拉人与人之间打交道、交往跟轧朋友呃全过程当中，还跟伊本人勿大肯、勿欢喜讲一些真心閒话有得一定呃关系，讲起各种閒话唻，几乎呒一句实话跟好閒话唻，畀任何一嗰人呃感觉，伊总是云里雾里云山雾罩勿够接地气，好像要到处去防备任何一嗰人似得。一旦真呃碰到了迭恁样子呃人，对付迭种人，阿么啥好呃办法了，吾伲只恁去采用行动来表明，吾伲只好对侬是敬而远之避避开，忒侬拗断断交！

勒拉人类呃历史哴向跟古今中外各类人事物情当中，同样是有得邪气知趣之人跟勿大知趣之人哦，笔者就试着去列举俩嗰例子唻分别去加以说明吧。勒拉吾伲国家呃历史哴向，“最最知趣之人”还是要数春秋末期著名呃政治家、军事家、经济学家跟道家学者范蠡了，当越国国王勾践复国成功以后，范蠡就一眼看出勾践迭嗰人是属于“可以去共患难”，“而绝对不能共富贵之人”，于是乎，范蠡就邪气知趣地挂冠而去，远远呃逃离了越国，不再跟勾践一起共事了，后来就一门心思去做起了各类生意，成为著名大款陶朱公哦；同时代跟范蠡一起共事呃文种，相比之下而言，伊就是一嗰邪气勿大知趣之人哦，还要梦想着跟勾践一道去共享荣华富贵，呒料想到，呒过多久就被勾践赐死了，伊成了历史哴向狡兔死走狗烹最最好呃一嗰例子啊。

由上述例子可看到，“知趣”实际哴向就是一种“修养”跟“礼貌”，与此同时凡是那些“邪气知趣之人”，既能够去好好呃保护好自家哦，还能够去避免各类不必要呃尴尬，更可以去保持自家应该有呃一种尊严，不至于受到胯下之辱跟畀人家呃羞辱哦。不过要去“做一嗰知趣之人”，也勿是交关容易呃一桩事体哦，伊需要交交关关多呃人生阅历、人生技巧跟各类人生常识。吾伲古人也勿是讲过迭恁一句老古閒话嘛，曰道：“识时务者为俊杰也！”但凡是一嗰知趣之人，与此同时伊本人必然是一嗰“有眼色”、“邪气识相”、“邪气识人头”、会得去看“各类山水”之人，迭种人覅管勒拉啥呃情况下，既勿会得勉勉强强去做各类事体，也勿会得去一意孤行，“剑走偏锋”跟“厚颜无耻”勿会得是伊拉做人呃行为准则好伐，伊拉勒拉做每一桩事体之前，绝对会得去前思后想考虑的邪气清爽，啥呃事体跟閒话是本人好去做呃，啥呃事体跟閒话又是本人勿能去做呃，如果是勿能去做呃閒话，就会得去想尽一切办法跟方法，让自家去全身而退，像迭种类型呃人，伊拉呃智商跟情商，要比一般呃人高出勿是一眼两眼哦，而是要高出许许多多呃，审时度势就是伊拉呃拿手好戏哩。

通过笔者上述写呃文字，还让本人晓得了，任何一桩人事物情实际哴向都是相通呃，与此同时又可以相互去借鉴，拿来为我所用啊！既覅管是啥呃人，也覅管伊是做啥呃行当跟营生呃，更覅管勒拉啥呃情况下头，到处要去讲究“知趣”迭嗰词语，人人都是离勿开“知趣”迭嗰词语哦！还比方去讲，要是吾伲目前是身处勒拉情场上头，轧一异性朋友，或许勒拉某些辰光里向，蛮卿卿我我你侬我侬呃，畀过，辰光一长久而久之，只要对方横考虑竖考虑并认为，俩嗰人之间因为收入、工作、感情跟情感等综合因素，已经勿大适合再继续交往下去轧一嗰朋友了，而且已经明确给出了一嗰暗示，要是伊本人是一嗰知趣跟聪明之人，就会邪气知趣呃选择退出，好好较跟对方去讲一声好聚好散拜拜了，希望侬以后恁寻找到比我还要好呃对象，就不应再去死缠烂打纠缠着勿肯去放手了。假使讲伊本人勿是一嗰知趣之人，还有一眼眼拎勿（大）清爽，存有一丝侥幸心理，始终跟对方纠缠不放，等到对方去讲出了更绝情的话，做出了绝情事体来，去弄嗰两败俱伤、闹嗰鱼死网破，覅但会得自取其辱，还会让自家呃伤受得更深！

文章写到此地，笔者自家同样要去对照上述所撰写呃内容，去好好较想了一想，自家有些辰光绝对也是一嗰“半吊子”人，勒拉有些辰光笔者是属于邪气知趣之人，勒拉有些辰光笔者又勿是一嗰邪气知趣之人，所以从今朝仔起，从今往后，一定要去改正勿（大）知趣迭嗰极其勿大好呃坏习惯跟坏毛病，要尽力争取做一嗰知趣之人！

【备注：文章为作者原创；各种老上海风情街类图片均来源于笔者的远亲老伯伯黄锦荣拍摄；感谢老伯伯提供的原创图片。】

杜老倌侠客居（陆伟）写于2013年10月19日星期六上午