干德道 THE ICON內有多個單位均未完成裝修，只有部份單位「見得人」。

位於港島半山干德道的新盤 THE ICON近日陸續交樓，但有業主收樓時發現呎價逾 1.3萬元的豪宅單位，恍如戰後廢墟般熔熔爛爛，由牆身到地板無一完好，比清水房更不堪，發展商承諾奉送的廚房裝修和全屋家電均無兌現，單位卻無故多出一 間「蚊型房」，發展商榮豐則表示交樓後才會裝修和送電器。有立法會議員批評發展商不負責任，建議業主集體索償。

業主朱小姐表示， 09年斥資近千萬元買入干德道樓盤 THE ICON樓花，單位面積近 700呎，平均呎價 1.3萬元，近日收到地產代理通知收樓，「初時我仲好開心，因為呢頭呎價最少已經升到 1.5萬，點知經紀同我講單位未裝修好」。有多次買賣樓宇經驗的朱小姐當時已心知不妙。

開放式廚房變蚊型房

朱小姐昨日視察單位後發現，最少五個地方貨不對辦，分別是牆身無批盪上油、沒有地板、沒有開 放式廚房、沒有全屋家電，以及無故多出一間「蚊型房」（原來是屋宇署准建的廚房）。「賣樓嗰陣明明話有開放式廚房，至少有瓷磚同鋅盆，家乜都冇，但就有 一大堆裝修雜物」。單位內景象比地盤更不堪，牆身熔熔爛爛，地上更有不少泥頭。
陪同朱小姐收樓的發展商榮豐經理陳先生竟表示，單位交樓後才會裝 修，又指全屋家電在貨倉，交樓後會送到，但朱小姐即時反駁之前從未聽聞這說法，「我咁大個人都未聽過有咁樣交樓」。她又批評獨家代理該樓盤的中原地產是 「幫兇」，「買樓花嗰陣乜都冇同我講，到早幾日安排收樓，就係咁叫我畀晒錢先，發展商至會裝修」。朱小姐現暫住舊居，無法估計新單位何時入伙自住，已委托 律師追討損失。
究竟朱小姐的單位有沒有開放式廚房？應該有多少間房？記者發現無論是中原地產代理提供的非正式樓書資料，或是發展商榮豐的正式圖 則，均與朱小姐現時單位實際間隔有出入，非常離奇。有知情人士指， THE ICON內有多個單位均未完成裝修，情況與朱小姐的單位一樣「恐佈」，只有部份單位「見得人」。

「蝦業主冇錢打官司」

正協助朱小姐的立法會議員陳淑莊直指發展商離譜，「真係好過份，一間千萬豪宅竟然係咁樣交 樓」。本身是律師的陳淑莊建議遇到同樣問題的 THE ICON業主集體投訴，向發展商索償，「我哋唔可以打定輸數，小業主唔一定輸」。民主黨立法會議員李永達建議小業主集體向消委會投訴，再由消委會動用訴訟 基金入稟索償，「發展商好多時就係蝦小業主冇錢打官司」。他又建議業主應該同時投訴地產代理，「地產代理有守則要求佢哋真誠為客戶服務，唔係有問題就卸番 晒俾發展商咁易甩身」。他指事件反映立法規管一手住宅物業銷售極逼切，以杜絕類似事件再發生。
中原地產亞太區董事總經理陳永傑昨晚表示，事件已交公司法律部門跟進，不作回應。

業主控五宗罪

問題單位圖則

地產代理提供的平面圖列明有一個開放式廚房（紅框示），但朱小姐收樓時廚房不是開放式，無故多出一間「蚊型房」變成廚房（藍框示），另一間睡房門口位置也不同（藍虛線框示）。