■滿牆血屋令人心寒，模特兒 Eagle也被嚇親。

十月有咩好玩？咪又係扮鬼扮馬慶祝哈囉喂，不過主題公園的鬼屋都玩咗十年，不如今年試新嘢，去澳門 4D鬼屋……俾鬼玩啦！

陰陰濕濕陣風吹

澳門漁人碼頭舉行的哈囉喂活動來到第三年，今次兩間鬼屋以「澳門經典鬼故事館」及「恐怖電影 院」為主題。可能有人會話：「唓！咪又係係咁嚇人的鬼屋，同香港有咩分別？」無錯，裏面同樣都係一大班鬼，失驚無神衝出來嚇你，但係今次的噱頭係「 4D」，即係除了視覺聽覺的驚嚇之外，仲會有一些「非人體接觸」的感覺，簡單來講就是……陰陰濕濕的風吹……
先睇佈置，一入場就見到一部墜毀的直 升機，以及一班士兵的模型。由於今次小記係傳媒超級優先場，入場時裏面都仲未開燈，漆黑之中真係俾呢班模型鬼嚇親。至於鬼屋內的情況，參觀當晚雖然尚未準 備好，但係鬼娃娃的佈置加上突如其來的嚇人伎倆，足以令到自稱大膽的模特兒 Eagle走夾唔唞，佢有幾驚？睇網上短片聽聲就知。小記問過一些澳門人，他們都說，澳門有萬聖節氣氛的地點非常少，因此幾年前開始「搞鬼」的漁人碼頭， 就成功聚集當地的年輕男女玩餐飽嗌餐飽。

 

鬼口水易入口

澳門漁人碼頭即將有一個非洲村酒吧於哈囉喂期間新開張，當然都係鬼影幢幢啦。為了應節，還設計了三款萬聖節飲品，包括血色瑪莉、非洲鬼及鬼口水，鬼口水是甚麼味道？ Model Eagle話：「甜甜哋囉，幾易飲！」

慳錢 Tips： 1蚊有特飲

憑特快通行證，於本月 30及 31日入場，就可以在非洲村酒吧以 1元購買一杯特飲。
終極套票每位$238：包特快通行證、虛擬影院、恐懼鬥室以及自助餐（ 10月 26日前預購有八五折）

澳門漁人碼頭

地址：澳門新口岸友誼大馬路
費用：一間鬼屋$35（普通門票）、$55（特快通行證）
兩間鬼屋$60（普通門票）、$100（特快通行證）
網址：

http://www.fishermanswharf.com.mohttp://hk.apple.nextmedia.com/template/common/scripts/images/replacelink/url.gif4D鬼屋　非人體接觸" TITLE="澳門 4D鬼屋　非人體接觸" />

澳門人討論區　熱推二食店
街市茶樓嘆點心

小記從澳門的網上討論區發現，澳門人好重視傳統味道，今次介紹的紅街市地帶，就尋找到不少澳門人情味。
自 1962年已開始座落在紅街市旁的龍華茶樓，是澳門最具歷史的廣東茶樓。身為第二代掌舵人的何明德先生憶述，由以前通街都係牛和牛糞，變成現在的高樓大 廈，車輛往來的景象，但外面如何改變，進入龍華就有如進入時光隧道，內裏裝潢如牆上掛鐘和下面的油畫，是開張至今的珍品。除了硬件上的堅持，軟件上風味依 舊，一盅兩件嘆足一個早上。這裏並沒有記賬卡，客人嘆完茶後，自行到櫃台前向老闆坦白說出點了甚麼：「三碟點心，一碟乾炒牛河！」老闆便會打算盤計賬，全 靠一個信字。
這裏做的都是街坊生意，食客結賬時第一句不是講錢，往往是溫馨問候，看着新朋友變成老朋友，老朋友帶着兒女，然後孫兒……好像這天一家三口，帶着孫女來嘆茶的鄧先生，已是 40年的老顧客，身旁的孫女 Queenie小時候常坐老闆何先生的大腿上學寫字。

 

龍華茶樓

地址：澳門提督市北街 3號（紅街市旁）
營業時間：逢星期一至日早上 7時至下午 2時

堅持一磚牛油多

這家 43年歷史的香島咖啡。第二代掌舵人岑先生，躲在廚房密密手做，餐單上並無那些甚麼「創意」食品，卻堅持「越簡單的小食，便越需要維持水準，用料更絕不能馬虎。」例如鮮油多就堅持用由新西蘭入口牛油，更自家研製鹹牛肉餅。
八十後的模特兒 Eagle最欣賞的是岑太由台灣引入的珍珠奶茶，用了港式奶茶的方法，再加上浸過糖水的粉糰，使這杯熱珍珠奶茶根本不用加糖，就已經好好味，好香濃哩。

 

香島咖啡

地址：澳門亞利鴉架街 2號地下

Eat in Macau

溫馨提示：龍華茶樓門口位於小巷之中，較難發現。不過絕大部份澳門人及的士大哥，都能清晰教你點樣去到，放心。