http://s2/mw690/001VJbj6ty6TPFLftWF41&690

1.        我細嗰時候，我爸爸已經離開我同我媽媽。我對我爸爸嘅唯一認識，就是原來佢唔我一樣姓。他複姓“唔好”，名叫“提佢”。我媽媽話我聽嘅，“媽媽，爸爸咩名吖？”“唔好提佢。”

2.        當我懂事嘅時候，不知道咩叫“爸爸”。甚至乎理論上我都唔知道原來一個人一定要有一個爸爸，我不知道的，我一直以為爸爸就係option（選項）嚟啫。

3.        以現今嘅離婚率嚟講，如果真係要五年之內轉第二個姓，咁就叫你新老竇同你舊老竇算清尾數啦，呢啲係贊助商和贊助商之間嘅問題啦。

4.        每次我媽媽一返到屋企裡都會同我講：“子華，究竟你大個有冇諗住做乜嘢啊？”我就會話：“做嘢？講笑真係。”我細個話做嘢係講笑，咁起碼我而家真喺係度講緊笑，係咪先？

5.        我見過好多人陷害人，整蠱人嘅方法。 但係到今時今日嚟講，我始終覺得對一個人最大嘅整蠱呢就係生佢出嚟。？

6.        白雪公主認識嘅係王子，灰姑娘認識嘅亦係王子啊，後來有個變態嘅女人喜歡錫青蛙，錫咗青蛙變出來又係王子啊。嘅係話呢個王子唔知溝幾多女，仲係扮青蛙去溝女！

7.        細個嗰陣，學校有個科目唔知叫做社會定健教，裡面就有幅圖畫，話爸爸會送你番學，跟住爸爸又會接你放學，好鬼溫馨架。後來我睇真啲幅圖畫，送番學同接放學嗰個人都唔同樣嘅。根本就系兩個人，兩個爸爸！

8.        《神雕俠侶》之所以能夠打動我嘅就係這一種的愛情觀，就係你愛一次過一個人，，你永遠都不變，就算變，唔會係感情嘅變，要嗰個人死咗或者失蹤咗，就算死咗失蹤咗都唔變！如果你能夠愛一個人愛成咁，你仲點會有家庭糾紛呢？

9.        喺我第一次戀愛之前，我認為自己就系楊過。而我同書裡面嘅楊過唯一唔同嘅地方，就系佢有一隻大雕。而我嗰陣，就鍾意撚呢個相思多啲。同楊過一樣，我從來都冇諗過要考第一嘅。我只需要愛情，只要我搵到我嘅小龍女，我就可以拋棄學業，退隱山林，搬入新界住。但系我一定要住西班牙別墅，我唔住得村屋，我怕蛇蟲鼠蟻。然後每個月至多出一次市區，不過我唔會逗留得耐，問阿媽攞晚零用錢我就會番番入去。

10.    我唔明白點解我一初戀我就驚死，以前我係完全唔怕死，我成日覺得我點會死呢，只有古時嘅人先會死。啲人話讀歷史有咩用？讀歷史就係話你聽邊個死咗。

11.    我而家長大咗知道一個人生存可以為好多嘢，一般嘅成年人生存就係為咗下班，馬迷生存就為星期三、六、日，明星係為咗做歌星，歌星係咗退出樂壇，民運分子就為咗吃buffet（自助餐）俾坦克車撞，就係想同鄧小平講：“我哋唔要你點菜，我要吃buffet！”但係細個我唔識得咁多呢啲嘢，生存嘅唯一一個目的就係愛情。

12.    失戀係會令人成長嘅。以前我覺得世界上所有問題都有答案。點解我哋每日都要九點鐘起身返工啊？因為夠鐘囉。點解我哋有夠鐘呢樣嘢啊？因為我哋唔用浮動上班時間囉。點解呢個世界有戰爭？因為我哋有武器囉。咁點解我哋要有武器啊？因為佢哋有武器囉。

13.    點解愛情係一件咁困難嘅事呢？ 因為好多人以為愛情係 part-time。 你當愛情係放咗工先做既嘢系 part-time 嚟囉。愛情唔系 part-time 嚟㗎，你唔可以話，愛？做完咪走囉！唔得㗎，愛情係咩？ 愛情係一檔生意嚟㗎，冇分全職同part-time。

14.    我覺得失戀係一件好事，因為我真系覺得失戀呢系叫人成長嘅。 以前呢我覺得做乜嘢嘢，呢個世上任何嘢都系有答案嘅，直到我失戀。 點解你唔鐘意我？ 佢話，愛情係冇點解，係冇得解釋，唔好問啦。

15.    聖人都有話啦“食色性也”， 食同埋色係好唔同，我任你點樣為食啊，你會唔會俾一百幾十元入場睇一套 “蒸氣騰騰小龍包” 啊？ 或者 “雜果律沙齊齊上”。 我任你點樣為食啊，你會唔會為咗一舊冇包住嘅牛腱望到俾車撞啊？

16.    我讀咁多年書，從來冇一個老師話過比我聽，讀書係為乜。但係我自己識諗，我終於諗通：

17.    讀書係為咗升班。但系後來有個先生同我地班同學講咗句嘢，又令我再諗過。有一日，佢同我地講：“你哋成班都唔掂，不如你哋成班申請留班讀好啲書啦！”我讀書係為咗升班，依家留班系為咗讀好啲書…？

18.    十八歲只不過係一個人為的日子，到嗰日你嘅親戚朋友會來恭賀你，政府會頒一個身份證俾你，話俾你知你有身份啊！一個人為的日子。

19.    我一向覺得人類嘅歷史上最偉大嘅三大發現分別係：第一，牛頓發現萬有引力，第二，愛因斯坦發現相對論，第三，就系唔知邊本雜誌發現自凟基本上對人體冇害。