http://s9/mw690/001VJbj6ty6TMKiDrks08&690

1.   一千萬嘅青春，係瞓街嘅青春。青春係乜嘢？就係除咗時間，乜都冇囉！

2.   用親膠袋正契弟，成遝紙巾扮富貴，水浸眼眉等絕種，大熱天時流鼻涕。

3.   窮人想政府退稅，有錢人又想退歲，佢想退嘅三十歲。如果富豪嘅人生係一套戲，俾返三十年佢，佢想乜嘢都唔改，重拍！人生最高嘅鏡界就係老而重拍。

4.   十億並不是陽間嘅數字，你死咗就有人燒俾你。

5.   我相信人類係唯一鍾意打風嘅生物，有人話上帝已死，好明顯示係俾人類激死。

6.   何為一份好工？一份好工係令你唔怕星期一，一份成日會打風嘅工，一份唔使見工嘅工。

7.   人一生為咗份工咁勞役係唔值得咖，呢啲咪資本主義嘅問題囉！點樣戰勝資本主義？兩隻字“吞pok”

8.   家家有本難念的經，行行都有吞pok嘅精英。

9.   對工作有熱誠係錯嘅，最重要係有仇恨。

10.一套日本電視劇，一個打工仔點解咁受歡迎，因為到佢有需要時候，佢就會同老闆講，我會以牙還牙，十倍奉還，其實你夠膽做呢個樣，你做乜都得啦。

11.上得山多終虎，試得衫多收屁股。

12.你喺度喊，仲要產生笑，係長大嘅過程。

13.一個係智利總統，一個選過特首嘅立法局議員，都係搞政治嘅最需要計算嘅人。喺一個需要計算嘅場合，乜嘢都唔計，面對自己真正嘅需要，呢啲咪叫做活在當下囉。

14.紀念品就係紀念你哋買唔起，我又唔使睇價錢嘅嘢。

15.一時沖動，自取其辱。

16.中國人有4種酒，請人飲酒、先飲為敬、勸酒及敬酒唔飲飲罰酒。

17.Respect don't drink drink punish！"即係敬酒唔飲，飲罰酒。"Under the sky , no dinner no finish！"即係天下無不散之延席。

18.大家都知偷食最大禁忌，千祈唔好將偷食變成正餐，如果唔係你就要餐餐吃兩餐。但呢個第三者，每日吃六餐，隨時吃埋你嗰份，你分分鐘冇得吃。

19.好多離過婚嘅父母都想自己啲仔女結婚，乜嘢意思？我舐咗嘢，到你啦！

20.有人埋單就會飲紅酒，冇人埋單就係埋單之前走。

21.橫又死，掂又死，白蘭地溝威士忌。

22.你可以擁有我嘅肉體，但我嘅手機唔可以偷睇。

23.愛情同股票一樣，未入之前係不停咁升，但當然一擁有……你就問：“點解會咁？”所以世上有一百分的女孩，就一百分的男孩，係冇一百分的伴侶，一百分的伴侶就係一百分開始扣分。

24.我唔知到佢有幾多斤兩，我肯定冇斤，幾多兩就唔知。

25.近年最豪情嘅男性宣言“保衛釣魚臺，活捉蒼井空。”大家諗下而家係講緊國家領土完整嘅問題，可能會打仗，但係對好多男人呢講第一樣嘢最緊張係咩吖？“吃野味！生擒活捉吖！”

26.兩個人相愛都唔想有第三者，但點解你的想生BB吖？BB唔係人吖？

27.印度人都有好識嘆，只係仲未有錢啫。

28.科技存在嘅目的就係滿足我哋嘅需要，科技就係知道我哋最需要乜Q，唔係IQ，唔係EQ，係鈍Q。

29.一個人鈍Q越高越有著數，你有鈍Q乜嘢都唔怕，永遠快樂。鈍Q低嘅人係小局為重，鈍Q高嘅人係大局為重，鈍Q爆棚嘅人係雀局為重。你點會唔快樂，你冇鈍Q你個人好敏感，你好容易唔快樂，社會上或者人生上你會諗好多嘢，諗細啲嘢你就唔快樂。

30.好多人情願唔見咗自己，但係唔見咗部手機，你可以佔有我嘅肉體，我部手機唔準偷睇，因為我只係表面，佢至係底。

31.一百歲擺大壽，似喺地府打甂爐。