小明, NADIA and 白家傑

風: 阿風 NA: NADIA 明: 小明 白: 白家傑

 

(幕黑, 觀眾看不到任何東西, 播放著 NADIA 跟阿風的對話。)

 風: (Voice) 你要等我!

NA: (Voice) 我會等你!

風: (Voice) 所有嘢都可以改變, 除左你, 你唔可以改變 NA: (Voice) 我唔會變, 我會等你, 等到一切改變

風: (Voice) 咁要等好耐, 我可能要自己出手

(一聲巨響, 燈亮起, 播放著音樂。白家傑獨自站在客廳, 他拿著一杯威士忌, 對放在枱上的 I-Pad 很有興 趣。小明拿著一支水從廚房走出。枱上放有兩杯酒, 一杯是小明, 一杯是 NADIA 的。白家傑喝完手上的 威士忌, 他示意小明替他添酒, 小明把自己那杯酒倒進白家傑的杯中。)

白: 呢部嘢(指 I-Pad),  好多功能喎!

明: 係架!

白: 幾時出架?

明: 我諗係你入去嗰時就出架

白: 部嘢可以上網架喎!

明: 係架!

白: 幾錢啊?

明: 幾千蚊, 有平有貴咁啦!

白: 唔…我得閒要偷返部先得

明: okay 架! 我諗你再坐監嗰時佢地會有 8 折架喇!

白: 張小姐, 佢好上鏡, 佢而家仲上靚過拍<</span>青春列車>嗰時, 佢好靚女, (小明沒有回答他, NADIA 拿著一 些小吃從廚房走出客廳, 然後放在茶几上。) 張小姐, 啱啱講起你, 我覺得你好上鏡!

NA: 係咩!?

白: (指扮演阿 Bill 的阿風) 呢條粉仔, 係我啊?

NA: 係啊 

白: 佢係咪基架?

NA: 梗係唔係啦!

(小明把一杯酒遞給 NADIA)

明: 你點睇套戲啊?

白: 我鐘意未改之前多啲, 我咁講, 你冇問題啊 MA? 明: 冇

NA: 咁但係真係幫到你喎!

白: 你意思係, 幫到我快啲放返出黎?

NA: 咁我又唔係咁樣嘅意思

白: 我咁快放返出黎係因為地產商

明: 我唔係好明你意思啊!

白: 香港啲監廠已經爆晒棚, 一係, 放咁啲人, 一係, 起多啲監廠囉! 起多啲監廠, 姐係要地喇喎, 政府 有地, 都留返比地產商啦, 你估政府會唔會為左我白家傑打李嘉誠荷包? 所以我而家出在黎要第一時間 去多謝李嘉誠: “李嘉誠, 多謝你! 冇你, 我冇自由!”,(指威士忌)添啲可以嗎?

NA: 自便啦!

(白家傑自己添了一些酒)

白: 提前放監, 淨係我條走廊都有 8 個啦, (對小明) 但係冇一個係因為有人幫佢寫左個電視劇嘅, 嗱! 我 地冇拖冇欠啦!

明: 睇黎講聲多謝係違背你做人嘅原則喎!

白: 公平啲講, 你係做左嘢架! 而且, 你盡左力添架喇, okay, 我個劇本可能真係要搵人黎修改下, 同啲 既得利益集團妥協下

明: 咁你講得好啱架, 啲電視台嘅監製真係好多意見, 佢地係接受唔到對白, 就等於粗口嘅, 佢地又接受唔到…姐係喺電視台一個鐘就等於一個鐘架 MA, 但係你嗰啲, 一個鐘係等於四個鐘嘅, 佢地最接受唔到就係你製造啲特技, 啲人喺電視裡面除左個口會郁之外, 係所有嘢都唔郁架! (對 NADIA) 呢位就係元朗嘅阿修羅!?

白: hey! 你唔洗咁文‘皺’‘皺’架喎! 你個劇本已經好文‘皺’‘皺’喇, 個劇本係我個人生黎架! 有血, 有肉係度, 你搞到文‘皺’‘皺’! 仲有, 你唔係為左幫我, 你係為左幫佢架咋! 我唔係傻架!

NA: (對小明) 唔係架, 呢個唔係佢黎架!

白: 張小姐, 呢個係我, 係船度嗰個都係我, 我冇唔同到, 我都唔覺得你有咩唔同到!

NA: 喺劇本嗰個唔係佢黎架! 佢嗰陣係好失魂落魄架, 好似一隻狗, 唔見左個主人咁, 嗰陣時佢唔知應該點算, ?仔黎咋 MA, 係架船度係咁同我聊計, 好好聊架! 啊! 地政署職員, 因為…好似同同事嗌交,就請假, 唔返工, 走去示威, 佢連示威係咩都唔知, 佢淨係知道咩叫做<</span>青春列車>! 好喇, 我落左船喇, 如果嗰陣我叫佢去打劫金舖, 佢都肯制架! 佢一味係咁跟住我, 跟到去皇后像廣場, 佢就搵啲好大舊嘅 打火機出黎, 入電油好似好有型嗰隻呢, “Pop”一聲嗰隻, 地政署職員放火燒和平紀念碑! 攻擊立法會為 左香港未來……? 係為左我啊! 我唔幫佢點得啊! 係我將佢放入火坑架!

明: 呢啲嘢, 你應該一早同我講, 呢啲嘢我識寫啊!

NA: 完全係你嘅劇本…

白: 喂! 我仲係度架!

NA: 我見到啊白生, 不如你快啲飲埋你杯嘢啦!

白: 好! (他一口氣喝完手上的酒) 我可以再黎同你飲過嗎? NA: 擇日就不如撞日啦!

(NADIA 把她的酒倒到白家傑的臉上)

明: 白生, 幸會, 佢真係成日提起你架!

白: 放心, 出得黎行, 預左要還, 我記得有一次佢黎探監, 佢著住條藍色嘅裙, 靚到…好似係一個大屏幕 入面咁樣, 但係我入唔到去, 嗰次係我第一次覺得我自己坐緊監, 你明我咩意思可?

(小明把白家傑手上拿著的 I-Pad 拿回, NADIA 打開了大門, 白家傑走到門口離開, 然後 NADIA 很大力的 把門關上, 返回客廳。)

明: 嘩! 我唔知佢點啊! 頭先真係嚇死我!

NA: 你冇嘢啊 MA?

明: 我冇嘢, 你冇嘢啊 MA?

(電話響起, 小明接聽)

明: 喂, (忽然感到有點緊張) 你係咪想搵 NADIA?

(NADIA 示意她不想聽電話)

明: (忽然輕鬆了) 哦…係咩? 恭喜晒喎! (對 NADIA) 阿 MAX 啊! 你前夫啊, 結婚啊佢! (對電話) 係! 哦…明智之極, 你娶左一個女演員就話行衰運姐, 娶兩個? 嫌命長咩! 嘩! 浪漫浪漫…

NA: 我夠喇…睇住我啊

(NADIA 示意她有點醉, 小明把她抱住)

明: (對電話) 好難得你咁樣諗喎…… (對 NADIA) 佢咩意思啊? 既往不咎…唔係我, 佢邊有得再結婚啊!(對電話) 哦…佢唔會開心…唔係, 我意思係, 佢接唔到你電話, 佢唔開心, 佢一定會好開心! 我都好開心! 愛情, 係咪好奇妙呢? (NADIA 與小明吻了一下, 然後自行走進房間。小明開始感到有點不耐煩但依然保持禮貌地與 MAX 說話, 他嘗試盡快結束通話)

明: 係…係邊度識話? 嘩! 利害! (小明到唱片機播放了林子祥的一個人) 哦…好啊! 幾時見下面? 呢個 禮拜? 啊…禮拜三 okay 架! (他慢慢放下電話)

(音樂漸大, 小明望著遠方, 若有所思, 台上的燈漸暗。)