NADIA and 阿風

NA: NADIA 風: 阿風

 

台上左右兩扇門合上, 令台前變成火車的車廂, 左右分別有一張中長椅 NADIA 坐在其中一張椅子上看書。

阿風走到 NADIA 的車廂, 望了她一會, NADIA 沒有意識到阿風在她身邊。阿風放下手上的手提袋, 用作 狀的語氣跟 NADIA 說話。

風: 唔好意思, 請問呢個位有冇人坐架?

(NADIA 幾乎沒有向上望一眼)

NA: 冇

(阿風坐在 NADIA 旁邊, 他望著 NADIA, 但 NADIA 依然繼續看書, 沒有理會他, 阿風望了望錶, 望一下 周圍, 然後再刻意地望著 NADIA)

風: 放心啦! 實準時架! 啲地產商係唔會容許佢地唔準時架! (NADIA 終於看見他, 她感到驚訝)

NA: (小許的尖叫) 我唔知你今日會搭呢班車架!

(阿風變會原來的聲線)

風: 係咩? 你而家知啦! 你幾好嗎?

NA: 我幾好! 咁姐係…你睇左個劇本啦?

風: 白家傑個劇本?

NA: 係啊!

風: 睇左啦!

NA: 點啊?

風: 佢唔識寫嘢!

NA: 我知道, 但我覺得你真係好適合做呢個角色啊!

風: NOOOOOO! 我係可以幫到佢個角色! 你做唔做啊?

NA: 我梗係做啦! 但真係唔可以唔改, 就做囉! Anyway, 我多謝你睇左佢個劇本

 

 

 

 

風: 你唔介意我同你坐埋一起啊 MA?

NA: 唔介意

風: okay, 咁我地一起傾計架喇喎!

NA: okay…

風: (把身貼近 NADIA) 你覺得點?

NA: 驚架, 你成日咁樣聊我傾計

風: okay, 如果我係廣州先聊你傾計你會唔會覺得好啲?

NA: 係咪…冇其他人搭呢班車架喇?

風: 冇喇, 得我地啊!

NA: 我意思係我地同組嘅人啊!

風: 我唔知啊! 有啲楂車有啲搭大巴囉!

NA: 我就鐘意搭火車

風: 我就鐘意同你一起搭火車

NA: 阿風啊!

風: 你見到我嘅時候你覺得點啊?

NA: 啱啱啊?

風: 唔係啊! 第一次嘅時候, 你覺得我點啊?

NA: 第一次啊……啊! 我覺得你仲細過我細佬啊!

風: (作狀的聲線) hey! 但係我做人做得多過你一世做咁多! (回復正常的聲線) 你真係靚到殺死人! NA: 我唔覺囉!

風: 我覺啊!

NA: 我大過你架!

風: 咁又點姐?

NA: 我大過你好多啊! 睇落去似你阿媽多過似你家姐啊!

風: 咁咪亂倫囉… 我鐘意大過我嘅女人架!

NA: 阿風你係唔可以成日係咁 flirt 我架!

風: 點解唔可以呢?

NA: 因為冇用囉, 唔得囉!

風: 點解冇用點解唔得點解唔可以呢?

(停頓)

 

 

 

 

NA: 你一早知我搭呢班車架係咪?

風: (點頭) 我睇住你上車, 我仲諗住等到開埋車我先過黎搵你

NA: 真係深思熟慮

風: 係啊! 我仲諗住查埋飛先過黎架, 因為我冇頭等飛啊!

NA: 咁佢再黎嘅話點算啊?

風: 咁我咪同佢講你係我媽咪囉! 你點解有頭等飛嘅?

NA: 我冇架! 我自己 upgrade 乍 MA

風: 哦…你係同意呢種階級制度?

NA: 你係講火車, 定係所有階級制度?

風: 我講所有嘅。

NA: 根本就冇咩階級制度嘅, 有共通點嘅人就會走埋一起架啦! 有啲可能係因為係同一種宗教嘅, 有啲 可能係因為養同一款鸚鵡, 有啲甚至係因為, 都係讀李曾超群男女佛教中學嘅, 咁…男女佛教嗰啲呢, 可能又養埋同一款鸚鵡, 總之就你疊我我疊你, 成個社會都係咁架啦! 呢啲係, 文化嘢黎架! 唔係代表啲 咩階級咩制度, 完全唔係呢啲嘢, 你覺得係點就係點, 睇你點睇!

風: 真係精景, 有啲人花成世人就係為左解除呢一種制度, 而你, 淨係坐喺度就可以解決晒, 不過我覺得 你頭先所講嘅理論呢, 真係得坐頭等位嘅人先至識得欣賞, 頭先嘅嘢邊個講架? 你自己作架?

NA: 係啊!

風: 嘩! 我覺得麻麻地囉! 我都係鐘意白家傑寫嗰啲嘢多啲, 佢寫嗰啲嘢睇起上黎好似係垃圾黎架, 但係, 你知道, 佢係啱架! 但係你啲嘢聽起上黎好似係啱喎, 但係你知道其實係垃圾黎架囉!

NA: 咁你又唔做白家傑個戲?

風: 我冇話唔做啊! 你做我咪做囉!

NA: 你係唔應該因為啲唔關事嘅理由去做架!

風: 點解唔應該呢? 佢介意咩?

NA: 你話佢唔識寫嘢喎!

風: 我係話佢唔係好似你老公咁識寫嘢, 不過…你老公都係嗰啲頭等作家

NA: 你咁講係話我老公唔好?

風: NO! 我有睇<</span>紙牌人生>, wow! Brilliant!

NA: 我代佢多謝你!

(停頓)

風: 唔好拉開話題啦!

 

 

 

NA: 如果你係成熟啲嘅話呢, 你會知道如果你去詆毀一個女人嘅老公你係冇機會同呢個女人發展架! 下次記住啦!

風: 姐姐, 我沒有惡意, 我只係因為你而患上重病, 我嘅病可能會奪去我嘅性命。

NA: 唔會架, 唔可以架, 弟弟!

風: 姐姐, 我諗你係愛我

NA: 你係我弟弟, 我當然愛你啦!

風: 太美麗喇!

NA: 睇你嘅病都唔係太重咋!

風: 我發誓, 羅馬女神如何鄙視世間庸姿俗粉, 你同樣有權鄙視羅馬女神 NA: …

風: 你嘅眼神有如普羅米修斯之火, 能為冰冷嘅石頭帶黎生命同溫暖

NA: 太誇張喇!

風: 你臉上的容顏從此封閉, 聖人因你的精神而破戒, 苦行僧因你一天消失而不能合上—

NA: 你太壞喇—

風: 係度—

(他  “讀”得愈來愈細聲, 然後把衣服拉起)

NA: 夠喇!

風: (大叫) 請你撕裂進我的懷裡—

NA: 你係咪痴左線啊?

風: (大叫) 係! 我係認真架!

NA: (大喝) 夠喇!

風: 姐姐! 我願意為你而活!

NA: 阿風啊…