来源：香港迷你论坛（2004/8/22）（粤语文字）

这是一篇子华为“莫探员”所写的文章！！！！

各位 (笑笑口)... 大家都好有心... 即係為一個未曾真係死左既死人都咁傷心呢...係真係好難得既...

拿即係咁... 其實呢...我就覺得 (抬頭望天) "天, 係真有天意"既... 但係~~ (憤怒作李小龍狀) "人, 亦都真係有人為"既... 而好明顯啦... 我初頭死唔去既奇蹟...咪就係天意囉... 而我後來點解會搞成咁呀... 相信唔使我講大家都知咩事啦... 係咪?

我明... 正所謂 "君要臣死... 臣不能不死"... 我明架... 但係可唔可以唔好咁死先? 即係例如... 可唔可以俾我影埋輯相... 擺埋酒... 洞埋房... 生埋仔... 睇埋D仔女大學畢業先死呢? 我又唔會阻大家好耐既... 即係通常呢D咁既野十幾廿秒就可以交代晒架啦嘛... 係咪先? 我甚至乎蝕底 D 唔介意扮洞左房... OK?

講真... 我都好唔明... 點解次次要凝造深刻印象就要整死 D 主角? 即係你話如果..."馮係「靚仔」主角既死" 都可以為套劇帶黎高潮既話... 我死~~ 又何足道? 係咪?為套劇... I DO... 我願意一集死兩次... 但係家陣唔係丫嘛... 如果大家仲記得既話... "烈火雄心II" 入面果個王喜都係咁無啦啦死左架喎... 佢仲要死得慘過我添...咁係咪即係暗示緊我唔夠王喜靚仔?

拿... 如果係 "合情合理" 地死... OK FINE~ 撈趴泵...吖家陣我呢 D 一線小生 "無啦啦"... 係 "無啦啦" 咁樣瓜左... 算點先?係咪我拍拍下劇唔小心得罪左 D 高層我唔知? 係既話 OK... 我唔小心... 我無怨無悔...又抑或係 D 高層心理唔平衡想搵我黎發洩? 係既話.... 都 OK~~ 只要封利是大封D... 我都無怨無悔...

而最大既問題係... 都最尾果集啦... 要剌激收視都唔係等到最尾果集先黎剌激呱?家陣剌激到我 D Fans 幾晚訓唔著覺... 如果呢個係你地班高層既最終意願既話... 噢耶~~ 恭喜你地... 你地好成功... 完全達到左目的不單止... 仲免費獲得16加侖既唾液... 足夠你地全高層黎一次三韁x...

大家明唔明? 電視劇唔同電影呀... 電影... 頂盡... 3 粒鐘... D 觀眾同 D 主角既感情最多最多都係得果 2 個幾鐘... 但係電視唔同丫嘛... 一套劇閒閒地播成個月...一個月四個星期... 每個星期五日... 每日一粒鐘... OK... 唔計廣告... 都有成四十五分鐘丫... 星期六日唔出街仲可能會響 D 預告度睇多佢地幾次添... 即係你話如果我識得一條友... 識左 2 粒鐘... 然後佢無啦啦瓜柴... 我會傷心 D 丫? 定係我識左一條友... 識左成個月... 然後佢無啦啦瓜左... 我會傷心 D 呢? 即係俾我答既話呢... 我就梗係會話邊個爭我錢多 D 我就會傷心 D 啦... 但係段估大家都唔會慷慨到借錢俾一個只識左唔夠 3 粒鐘既人呱?

但係事實上... 最令我憤慨既就係... 每一次每一次同類事件發生既時候... 我都只可以眼白白咁睇住 D 兇手殺完人之後... 仍然可以繼續有飯開... 逍遙法外... 大家係咪應該去投訴一下警方辦事能力呢? 人證物證乜都有... 呼之欲出... 大家都無動於衷...? 咩話? 無證據? 點會無證據者? 集集播完之後都大大篇字幕寫到明編劇係邊個架啦? 拉佢咪就得囉~~ 係咪先?

拿... 各位... 我就係點都唔會死架勒... 我係只係扮死架者... 我扮完死之後呢就會去同阿女長人結婚生仔架勒... 仔女名我都諗埋呀... 仔既就叫做 "之科"... 英文名叫 Moscow... 大個之後做保護證人組... 女既就叫做 "其妙"... 姓莫名其妙...英文名叫 wonderful... 大個之後咪順理成章去選美囉... 係咪?... 正所謂 "人生多美妙... 一齊