25-4-2016

 

ON.CC

倒吊30呎堅離地　林峯頂硬上：我有畏高 (視頻)

http://hk.on.cc/hk/bkn/cnt/entertainment/20160425/bkn-20160425180559082-0425_00862_001.html

 

林峯首踩紅館台排練，被倒吊30呎堅離地，佢仲爆有嚴重畏高，但佢話On Show嗰陣就唔會驚，認真專業。

 

【on.cc東網專訊】 藝人林峯挑戰紅館舞台極限，即將周五（29號） 舉行《HEART ATTACK LF LIVE IN HK》演唱會，已練得139磅鋼條身型的他，今日首次踩入紅館台排練，並將「倒吊堅離地」30呎過程及一氣呵成十多分鐘連場勁舞率先曝光。

 

同山頂位觀眾接觸

 

阿峯這次向「山頂」進發，以最近距離與山頂位觀眾接觸，阿峯謂：「我依家企嘅係山腰位，到時會成個場館會圍咗一條軌道，會做啲乜呢，就留番少少想像空間畀大家。（吊住行？）唔知㗎，畀啲Surprise好啲，總之大家守秩序，我就會喺安全下做多啲突破。」

 

試過被吊高百呎

 

現場所見阿峯將吊上高達30呎的鐵架上，問到正式演出會否更高？阿峯謂：「冇畀限制佢哋，總之我冇嗌停就任佢吊高，雖然我有嚴重畏高，但On Show嗰陣都唔會理，咁多年拍戲頂硬上，試過吊過高過棵樹飛嚟飛去成百呎都有。」

 

試過雙手現歌迷抓痕

 

阿峯稱不是去挑戰高度而是挑戰距離，想與山頂觀眾拉近：「對我嚟講係突破。（事先要向紅館申請？）當然要啦，都期待On Show會點。（怕唔怕到時歌迷興奮跳起拉住雙腳？）都驚㗎，因為咁多次演唱會是試過雙手都有晒歌迷抓痕。」講到公司可有為他買重保險？他笑言：「呢樣我唔知公司應該有嘅。」

 

倒吊心跳加速

 

之後阿峯即場變「空中飛人」扣上威吔吊上半空，更來個「翻身倒掛」。問到畏高的阿峯感覺如何？阿峯摸摸胸口說：「心跳加速緊呀！」但阿峯面不改容再試吊幾次還笑謂：「唔知倒吊唱唔唱歌呢！」

 

地獄式排舞

 

玩完離地再與十多舞蹈員地獄式排舞，阿峯一口氣跳足十幾分鐘勁舞，他謂：「今次演唱會係由頭跳到尾，仲有個旋轉舞台配合，呢個反而係最危險，但仲未搭起，所以希望開騷前有兩日時間畀我排。」

 

咁睇落去，都Feel到有幾高。

 

嚟啦，準備啦！

 

慢慢上去，林峯個樣好似有啲緊張。

 

仲嘟晒嘴。

 

上咗去啦！

 

咁睇就知有幾高啦。

 

轉身嚟個倒吊。

 

真係唔容易。

 

唔知咁倒吊法，有咩感覺嘅呢？

 

林峯話佢倒吊唔係為咗挑戰高度，而係挑戰距離，想同山頂觀眾拉近，相當體貼。

 

林峯話佢咁倒吊法都未算危險，仲有個旋轉舞台先係最危險，真係要小心呀。

 

林峯逾10分鐘勁舞率先曝光。

 

Chok到爆！

 

林峯大晒鋼條身型。