24-4-2016

ON.CC

繼續歌影視發展！林峯考慮接拍真人騷

http://hk.on.cc/hk/bkn/cnt/entertainment/20160424/bkn-20160424224226853-0424_00862_001.html

林峯自約滿無綫後首度接受其他香港免費電視台專訪。

林峯全程表情多多。

林峯講緊咩呢，笑到咁嘅？

林峯放開雙手，代表啲咩呢？

林峯透過計劃好未來嘅工作方向，繼續歌影視發展。

林峯積極排舞，準備開騷。

Chok到爆呀！

【on.cc東網專訊】藝人林峯接受ViuTV訪問，是他自約滿無綫後首度接受其他香港免費電視台專訪。對於在娛圈多年經歷不少是非，是否已練成百毒不侵？他笑說：「經歷多咗而成長，我好享受目前，自由度高，可以花更多時間喺感興趣嘅事上面，我計劃好未來嘅工作方向，繼續歌影視發展，都有興趣參加真人騷節目。」

林峯又表示早前為本月底舉行的個唱選歌時，發覺以往曲風太悲情，近年因與吳千語愛得甜蜜，心態有變：「近年先發覺情歌應該甜蜜嘅，所以開始誕生唔同風格嘅新歌。」

蘋果即時

【明剃大台眼眉】林峯唔怕方丈嬲豬：屋企電視一直開住ViuTV！(視頻)

http://hk.apple.nextmedia.com/enews/realtime/20160424/55024163

曾經喺無綫「親生仔」被受力棒嘅林峯，前年劈炮外闖，有傳因此得罪方丈而遭封殺，即使英皇高層吳雨多次出面，無綫依然企硬無彎轉。

不過林峯家底厚，而且喺內地有價有市，講嘢都大聲啲。早前林峯上咗無綫新競爭對手ViuTV的節目《十五分鐘熱度》做訪問，節目將由明日起一連三晚播出。林峯喺節目中可以話暢所欲言，工作、感情同多年來喺娛樂圈嘅心路歷程都有講，林峯話﹕「依家自由度多咗。」林峯大讚ViuTV嘅出現令電視市場起咗新刺激，仲話屋企部電視長開住ViuTV，明剃舊公司眼眉，林峯話﹕「自從ViuTv開台之後，屋企電視就一直都開住ViuTv！節目好有創意，好有新鮮感，我特別欣賞製作團隊嘅創作能力！」林峯仲主動表示若然有節目合適，好有興趣參與！

林峯17、8歲就加入無綫藝訓班，喺娛樂圈經歷好多高高低低、是是非非，主持羅沛琪問林峯：「今時今日係咪已達百毒不侵嘅境界呢？」林峯話：「就因為經歷多咗而成長，我好享受目前，對現時狀況好滿意，自由度高，可以花更多時間喺自己感興趣嘅事上面，選擇自己喜歡嘅工作。而且我已計劃好來未來年嘅工作方向，繼續歌影視發展，我都有興趣參加真人騷節目。」

講番林峯將於4月29日喺紅館舉行一連三場《Heart Attack林峯演唱會》，佢話已經好努力排練，即使畏高都會吊威也拉近同觀眾距離，笑話﹕「快歌部份好似置身狂歡派對，觀眾要有足夠體力一齊企起身跳舞。」林峯仲將自已嘅作品重新整理，發現未同千語BB拍拖前曲風太悲情，佢話﹕「近年因為有愛情關係，心態改變咗，先至發覺情歌係應該甜蜜嘅，所以就開始誕生唔同風格嘅新歌!」

佢大讚ViuTV嘅出現令電視市場起咗新刺激，仲話屋企部電視長開住ViuTV

 

為咗演唱會，林峯好努力排練