加载中…吳千語: 新年流流講爭產唔吉利
(2014-02-05 18:47:46)
标签：
林峯吳千語娱乐 |
分类： 峯‧新聞 |
5-2-2014
ON.CC
吳千語同林峯去北海道滑雪當做運動
http://hk.on.cc/hk/bkn/cnt/entertainment/20140205/bkn-20140205165722641-0205_00862_001.html
吳千語剛剛與林峯去完北海道充完電返嚟。
千語BB在新片中扮演年輕母親，她表示現實中未Ready好做媽咪。
千語揮動龍珠，祈求行好運。
千語同陳豪拜年。
吳千語舉起龍頭，都幾大力！
【on.cc東網專訊】藝人吳千語以一身粉紅佳人造型到銅鑼灣出席新春活動，為醒獅點睛又揮動龍珠，吸引大批市民圍觀。席上大會安排兩個以小蜜峰打扮的小朋友獻上蜜糖，寓意跟林峯拍拖的她甜到漏，千語也非常開心，她表示在賀歲片中扮演年輕母親，亦有細心想過結婚生子的問題，但覺暫時還未是時候。
隨後問到是否會有好消息？千語坦言還未想過結婚，但就有計劃30歲前生小朋友：「我人生中都想有個BB，只係未到呢個階段，（但到時林峯年紀唔輕，怕無心無力喎！）唔會啩？咁快？男人遲結婚唔緊要，如果大家唔知我哋年紀，睇嚟都覺得我哋好後生啊！」
提到兩人早前外遊，千語表示去了北海道滑雪四天，問到為何不選於情人節才去？她解釋男友需要拍劇，若錯過了這段時間就無時間再去，笑問是否再預支蜜月？千語笑說：「唔係，當做運動，我知好多人都去咗北海道，有鍾鎮濤同劉嘉玲，不過遇見唔到，（咁會唔會再返廈門拜年？）唔會啦！無呢個機會，其實我上年都無去，但都有互相向對方屋企人電話拜年，同埋佢哋屋企人嚟香港都有一齊食飯，只係呢段時間我哋出埠先未必有時間，（咁幾時去見鄉親父老？）我去過一次做嘢，有機會，順其自然。」
談起有報道指她游說林峯收山去爭家產，千語無奈地說：「新年流流，人哋屋企人咁好、咁Warm，點解要講到爭家產咁唔吉利？唔好寫到咁離譜，加上事實上係相反，知道佢屋企人好團結，林峯做嘢都好好，唔會退出，亦知道佢做嘢計劃仲有一段時間。」問到可知林峯之後去向？千語直言工作上雙方給予很大空間，做呢行亦明白大家的運作，不會加太多意見及干預，追問到可贊成對方打理自己生意？千語覺得由男友決定，不能給予甚麼評語，但林峯的工作也很好，賺到不少。
蘋果即時
被指教唆林峯爭身家 吳千語:新年流流話人爭家產唔吉利
http://hk.apple.nextmedia.com/enews/realtime/20140205/52158632
吳千語(千語BB)今日喺銅鑼灣出席「金龍醒獅賀新歲」，原來佢之前同男友林峯去北海道滑雪，點解唔揀情人節先去﹖千語BB解釋因為林峯要開劇。
不過講到林峯每年都會返廈門渡歲習慣，今年冇返陪女友，難免畀人話千語BB霸住男友，千語BB話：「上年都冇返，因為佢要開工返唔到。」千語BB透露有打電話向男友家人拜年，平時仲會一齊食飯；至於會唔會陪男友返廈門見下鄉親﹖千語BB只係話：「順其自然！」
對於有報道指林峯胞弟畢業之後，將會接手林父嘅家族生意，千語BB為怕林峯地位動搖，於是叫林峯退出娛樂圈，回鄉爭百億身家，千語BB就維護男友，力撐佢同家人嘅關係好好，仲係一個warm
family：「新年流流，無啦啦話人哋爭家產就有少少唔吉利，唔好寫到咁離譜，事實上佢屋企人好團結，佢亦都唔會退出娛樂圈喺呢段時間。」不過依家係話千語BB叫林峯咁做喎﹖千語BB就話以佢所知，林峯工作計劃仲有一段時間，所以呢件事就唔成立。
問千語贊唔贊成林峯掌管家族生意﹖佢話：「呢個係佢個人決定，我畀唔到意見，佢工作好好，收入又好，又搵好多。」
講到馬年，千語BB會唔會結婚﹖佢話依家冇諗過呢回事，只係希望30歲前結婚生小朋友。怕唔怕到時林峯冇心冇力﹖千語BB笑話：「唔會嘅，咁快！」
千語新年第一單新聞，都係同男友林峯有關。
喜欢
0
赠金笔