蘋果

【BB又發功】吳千語說服林峯 退出娛圈同細佬爭百億身家

http://hk.apple.nextmedia.com/enews/realtime/20140205/52158266

今日有報道話林峯想全面退出娛圈，又係千語BB嘅主意。

有關吳千語嘅新聞，都離唔開佢男友林峯，以及佢揈男友錢嘅傳聞。林峯同千語BB拍拖以來，比人影到唔係陪BB去Shopping就係陪去旅行，今個新年都唔例外，今日有報道話林峯冇同家人團年，反面同BB去咗北海道滑雪，得嗰短短4日假，都全數奉獻俾BB，出發前年廿九當日，仲好細心咁同女友去睇羽絨，買足兩大袋，最後當然係林峯找數啦。

之前已經有指林峯父親「廈門李嘉誠」林華國想林峯退出娛樂圈，打理家族生意，點知峯峯都係放唔低花花世界，不過中咗「BB降」嘅林峯，經常被指花費不菲喺BB身上，其實林父一直看在眼裡，想阻又阻唔到，令林峯同家人關係再冇之前咁好。

大仔唔聽話，林父唯有將希望放喺細仔林逸洺身上，林逸洺舊年喺美國南加州大學商科畢業，一心一意返廈門幫老竇打理盤生意，有指佢好有生意頭腦，喺公司入面上位好快，而林峯因為掛住拍拖，喺屋企地位大不如前，一心入豪門嘅千語BB，眼見男友地位喺屋企受動搖，直接影響佢將來嘅生活，於是又勸林峯退出娛樂圈，專心打理家族百億生意，就算去年中林峯已經同黃柏高密斟過檔太陽城，仲傾得七七八八，但去年十月林峯就突然煞停合作，仲話慎重考慮係咪繼續喺娛樂圈發展，真係乜都聽晒BB支笛，睇嚟吳千語「林太」地位已經牢不可破。

http://hk.apple.nextmedia.com/entertainment/art/20140205/18614969

林峯新年寧願同BB去滑雪，都唔返廈門見屋企人，同家人關係愈來愈疏。相反林峯個細佬一讀完書，就返廈門打理生意，喺公司愈來愈有話事權。眼見林峯長子得寵嘅地位有所動搖，千語教唆林峯退出娛樂圈，回鄉幫阿爸手。聽聞林峯同無綫拍埋最後一部劇《使徒行者》，就會返廈門爭番佢話事人嘅身份。

想睇更多詳情，記住留意壹週Plus!