蘋果

林峯恨做湊仔公

■自言做足準備的林峯，希望組織家庭生兒育女。

林峯與內地新人盛君在新片《詭嬰》中演新婚夫婦，他的正牌女友吳千語反而是演盛君的妹妹，其實電影拍攝之時，林峯與千語BB已經秘密拍拖，不過二人隱瞞戀情，在拍攝現場表現克制，更因此避演情侶，造就盛君冷手執個熱煎堆。

追求經濟保障

林峯覺得和千語BB的戀情屬私隱，不想公然調情，雖然私生活不談，不過戲中他與盛君有個B，林峯坦言現實中已作好做爸爸及老公的心理準備：「好鍾意小朋友，屋企大家族，親戚結晒婚好多姪仔、姪女，細個開始抱小朋友，所以手勢好好。我諗人生去到覺得應該踏出呢一步，自然會知，但要做好準備，心理上唔好話完全百分百，但已有呢個心理準備，亦都覺得自己有呢個能力，同差唔多係時候，因為我真係好希望將來家庭有小朋友，佢跳跳紮十幾歲，我可以同佢一齊打籃球，三十幾歲差唔多喇。」林峯強調已做好結婚準備，但始終沒明確交代時間表。

名利皆在手，兼有一個希望和林峯組織家庭的女友，是時候講生活享受，林峯說：「生活上要多啲平衡，結婚、工作之外，仲想去享受人生，當然𠵱家都係搏殺期，入行十幾年，年年都講搏殺期，但唔會好似以前咁劇接劇，我要生活。」林𥧌承認追求與金錢成正比說：「當然要有經濟保障至可以對生活有追求，但仲有啲距離，人係希望繼續進步，但唔可以冇止境追求，最後會發覺錯過好多嘢。」

採訪：魯萍

場地：都會海逸酒店