蘋果即時

上星期無綫小花旦馬賽突然爆出四角攣情，藝人靠形象搵食，事件一出，仲連累埋一班無綫藝人，尤其性感花旦就慘遭客戶壓價，出騷價大跌，今日有報道話高海寧就由原本4萬跌到3萬，呂慧儀一樣係由4萬跌到3萬，許亦妮近期負面新聞都唔少，所以個價更由2萬跌到1萬。

相反一班形象正面，唔行性感嘅花旦個價就上升，升幅最勁係鍾嘉欣BB，由6萬升到12萬，足足貴咗一倍，仲貴過胡杏兒嘅10萬同徐子珊嘅8萬，岑麗香升幅仲勁，由原本嘅2萬升到7萬。

除咗一班花旦之外，一班小生價錢都上升唔少，好似陳豪咁，形象好又入屋，仲就嚟做爸爸，所以就由原本嘅10萬升到20萬，足足升咗一倍，十分和味。另外林峯同鄭嘉穎都有微微升，由原本嘅16萬同14萬變到18萬同16萬。

最近被TVB力捧嘅陳展鵬都升得好勁，由5萬升到10萬，報道仲話，原來《巨輪》入面本來展鵬係做黑警，最後都安排佢做無間道變返好人，都係想保住佢個形象方便接騷!而《巨輪》亦同時帶起埋蕭正楠，騷價由2萬升到6萬。

所以話想搵多啲，一班小生花旦一定要搞好自己個形象!