加载中…[转载]好歌难寻 海艳难觅
(2011-12-02 11:46:37)
标签：
转载 |
分类： 杂谈 |
江老师格篇文章写得实在太好了，太有密道了啊，老发师的文笔，节棍！
http://s15/middle/673d84f1hb303fa122f3e&690海艳难觅" TITLE="[转载]好歌难寻 海艳难觅" />
无意中，在微博上听到王维倩唱的《梦中人》，立刻拨伊矜持优雅的声音和举重若轻的唱法迷倒。迭种声音迭种腔调，就是长远勿见的正宗上海味道。
翻唱过《梦中人》迭只上海老歌的人，交关多了——
顶有名的要算蔡琴了伐？回过去听听，字正腔圆，音色当然也老浑厚，但又像总归难寻着那种旗袍披肩再加玻璃丝袜高根鞋的海艳风情，还有骨子里厢纤柔精致的上海味道。
黄小琥如何？也是女中音，一首《我的心里只有你没有他》，拨伊唱得满城风雨身价穷涨，前两年郭台铭大老板请伊唱尾牙堂会，开出的出场费让其他大牌侪觉着脸上无光了。不过再听听伊最近的那首《重来》，唱词像杯白开水，唱功只像飚声音，迭种也好算是歌哦，啥人要是练举重辰光去听听，倒可以刺激爆发力的。
蔡幸娟也是唱过《梦中人》的，我听了一歇，马上关塔。伊唱《星星知我心》，我眼睛湿过；伊唱《梦中人》，就算我正在美梦里，也会突然味道缺缺，情愿醒过来。
王若琳又哪能呢？音乐门第，多唱爵士，习作热播，耳朵听腻。平心而论：年纪介小就介红，也真勿容易，但也因为觉着伊年纪太小了，啥地方真会懂得介许多的风花雪月，尤其是十里洋场的花花世界？王小囡的歌，我总觉着伊光有勿错的声音，却呒啥真正的感觉。就像一幢漂亮房子，灯开得场场亮，里厢却是空荡荡；或者调种讲法，就叫“小和尚念经，有口无心”。也所以，我开博至今，篇篇配乐，但从来就不会去选一首王若琳。我是一家之言一意孤行，有时也觉着稍许对勿起这位交关人热捧着的小朋友。
她们，勿是在声音或唱法上，都勿及王维倩；而是在上海味道上，侪勿及王维倩。
要么勿是上海人，要么连上海来也没来过，假设伊拉走在30年代的上海马路浪，恐怕弄堂口的小鬼也勿会跟上去问：“小姐，皮鞋擦伐？”
我还总记得中学里 音乐老师讲，爵士乐的要素有交关，勿是只要切分音就是爵士乐，就算切分音，上海人的切法也搭人家勿一样，听上去“好像”差勿多，其实零点零几秒里，味道相差勿是一眼眼！
迭真是呒没办法的事体，张艺谋算得来赛了，但伊对跟上海搭界的什活，一直蛮抖豁一向不大碰。
到新浪乐库和百度里厢去寻王维倩的歌，侪呒没。就像昨天去寻歌手影子的资料，号称“一个勿漏”的百度歌手名单里，在 Y
字母下头的名单里，根本寻勿着那个影子的半点影子。
格么电台里厢听得到伐？我勿敢讲电台从来没播王维倩，我呒没听到过勿等于别人侪呒没听到过，所以也老希望有听到过的朋友发个声音——也包括像影子、雷光夏迭排唱得老好的实力派，听到过伐？
王维倩的《梦中人》我呒没本事寻着伊了，就请大家听一首同名乐曲，大家去自家想象想象算了。但意外看见一段对王维倩的乐评，粗看看蛮扎劲，细想想没道理。
乐评的大意是讲：王维倩唱的上海老歌，勿会输拨蔡琴一丝一毫。
我觉着迭种讲法，真叫做“脱裤子放屁——多此一举”～
人家王维倩是正宗美声专业出身，上海歌剧院首席女中音，跨界唱唱流行，无论自娱自乐还是正式演出，侪是驾轻就熟的小事体。拿一个学院派去搭一个校园派比输赢，本身就外行滴答了。
顶要紧的是，上海老歌唱得有勿有上海味道，先要听听啥人的上海闲话讲得原汁原味吧，对伐？
网上讲，王维倩12月16号、17号要勒东方艺术中心举办两场上海老歌演唱会。
我搭伊一眼勿认得浑身勿搭界，但我真心欢喜伊的声音和唱法，顺手写下这点文字，既是帮伊做做宣传，也是顺便讲讲我自己对歌坛标准、乐库建设及广播取舍方面的那些弄勿明白的地方。
喜欢
0
赠金笔
前一篇：[转载]好歌难寻 海艳难觅
后一篇：王维倩演绎上海老歌