徐绿霞(1917—1994)

弹 词 演 员 。 江 苏 苏 州 人 。 师 从 沈 丽 斌 习 《 双 珠 风 》 ； 又 拜俞 筱 云 为 师 习《玉 蜻 蜓 》 ， 再 从 杨 仁 麟 习 《 白 蛇 传 》 。30 年 代 中 ， 在 上 海 东 方书 场 为 夏 荷 生代书 ， 说 《 盗 仙 草 》 一 回 ， 得 李 伯 康 赏 识 ， 收 为 弟 子 ， 授 与 《 杨乃 武 与 小 白 莱》， 此 后 ， 该 书 与 《 白 蛇 传 》 为 其 常 演 书 目 。 40 年 代 初 ， 上 海仙 乐 舞 宫 首 次 开演评 弹 ， 与 夏 荷 生 、 张 鸿 声 、 汪 云 蜂 越 档 ， 声 誉 鹊 起 ， 此 后 不时 在 沪 演 出 。 1958　年 后 一 度 辍 演 ， 1980　年 复 出 。 1981　年 被 聘 为 上 海 评 弹 团特 约 演 员 ， 又任上 海 文 史 馆 馆 员 。 其 表 演 兼 收 李 、 杨 、 夏 之 特 长 ， 擅 起 脚 色 ，边 说 边 做 ， 动作清 脱 。 说 表 灵 活 ， 常 以 肉 里 噱 与 小 卖 的 紧 密 结 合 引 发 笑 料 ， 以轻 松 有 趣 见 长。曾 为 电 视 连 续 剧 《 杨 乃 武 与 小 白 菜 》 的 改 编 提 供 脚 本 及 资 料。

-----------------------------

                  说书先生放噱头 2011-05-24 秦来来

    讲起说书【就是苏州评弹】，讲究个是说、噱、弹、唱。说、噱在前，可见伊个重要性。有名个演员，勿仅故事讲得引人入胜，而且辣辣要紧要慢个地方，总归会出眼噱头，使听众乐不可支，越加想要听下去。

    有一个老演员叫徐绿霞，《杨乃武与小白菜》《白蛇传》两部书是伊个代表作。后来因为历史个原因，伊拨辣发配新疆。等到粉碎“四人帮”，总算落实政策，回到上海，重新归队。有一趟，上海曲艺家协会组织评弹界个老艺人辣西藏书场演出，等到徐绿霞上台，伊就先来了一段噱头：前两日，我收到上海曲艺家协会发来个通知，连忙拆开，一眼看见“西藏”两个字，只觉着头浪向“轰”一记，眼面前一黑，一口气压辣胸口，透勿过来。“啥物mek事？我刚刚从新疆回来，拾回一条命。自家晓得呒没犯过啥个事体，哪能又要拿我发到西藏去？啊呀，搿趟性命肯定呒没了！”再慢慢叫仔细一看，原来是通知我到西藏书场参加演出，“喔哟……”压辣胸口头个一口气，总算回转来了。搿个辰光，书场里向个听众，已经捧牢肚皮笑了起来。只听见老先生话锋一转，又是妙语连珠：今朝辣辣此地，我搭另外一位老艺人杨六郎两个人“越做”【评弹术语，就是两个人分别演出上下半场】。有人讲啥体勿搭别人搭？哎，勿来个。我搭别人搭勿好，只有搭杨六郎搭得好。啥道理？倷ne想呀，有只歌“天涯呀，海角，觅呀觅知音……郎霞（呀）咱们两人一条心”。郎、霞一条心，阿是只有杨六郎搭徐绿霞搭得好?

    讲到此地，勿少听众吃勿消了，有个捧牢仔肚皮，有个弯下仔腰，有个眼泪水笑得来溚溚嘀。

                                                         (本文来源：新民晚报)