依爸

嘻日我妈来讨我爸

我讲汝两隻都离婚去唠

固来讨我爸做什乇

我妈讲，汝跟我去城里

去城里去读书

汝屈乡下会耽误汝自家

我讲汝当时溪势伓挃我

我当时蜀个侬生活真困难

蒋样养汝，现在我条件好唠

我讲我伓去

我共我爸现在生活也真好

想儥遘我爸这辰候行出来讲

汝着跟汝妈去城市

我讲，溪势，依爸汝也伓挃我

汝也大唠，可以自家生活唠

但是我老去唠

我也想再讨蜀隻老妈齐过

我想儥遘我爸是总款其侬

我讲我再伓想看见汝

十年以后，我开礼车固是

转来旧厝，伓啻我想我爸

固有我真怀念以前生活其日子

因为我卜想写蜀篇回忆童年其小说

但是来开门伓是我爸

是旧底对面厝其依超哥

我讲我爸哩

汝爸着汝离开以后

无偌行就死去唠

啊，溪势汝伓告诉我

汝爸伓肯

汝爸讲千万伓通告诉汝

希望汝安心读书

原来我爸发现自家生癌以后

就告我妈来接我

我妈讲会惊我伓肯

我爸讲我这病也无乇牧

我死以后，汝将厝卖赖去

掏乞伲囝做学费

我听遘只呢，目滓泽泽落

我躃裡厝，大喊，依爸依爸

但是再无侬会应我唠