苏秦其故事

看过春秋战国历史其侬

应该都会八苏秦兹隻侬

但是汝会八伊是蒋样死其儥

伊死以后固发生什乇事计

汝会晓儥

听我慢慢讲乞汝听

话讲苏秦当时着齐国做官

因为伊侬真聪明

所以国王真侈事计都请教伊

但就因为总款

引起其他官员其妒忌

想害伊

话讲着有晡

苏秦着书房礼看书

突然窗口跳裡蜀隻侬

使匕首揬裡苏秦其胸部

苏秦大告救

卫兵马上都躃来

但是苏秦已经倒地兜去唠

嘻隻侬已经走去无块讨

国王听讲苏秦乞侬害

赶紧也来看望

国王讲我一定着将呆侬搦着

苏秦讲，伊戴礼面壳

汝去底呢讨

不过我俪记礼伊

汉码悬悬大大喏

汝按照我其方法就会搦着伊

讲完，苏秦就断气去

第二日上朝其辰候

国王对所有官员讲

原来苏秦是埋伏着

侬家国家其特务

我着将伊五马分尸去

就告侬将苏秦其头共骹手

使索缚礼，着街中

使五头马由不同方向

去拔

真侈侬都围礼看

苏秦其身体拔裂成五块

侬都看惊死去

但是有蜀隻侬真勇敢

伊行出来

对国王讲，苏秦是我揬死其

汝应该奖励我

国王看伊悬悬大大

国王讲，野好

我讨其就是汝

乞我缚起去一一