《朱买臣》之
                    《马前覆水》
                              潘一帆撰曲
                       新马师曾.郑帼宝名曲
崔如花【清歌】
    福心啦！好心啦！可怜施舍嗄哩个乞儿婆啦！
如花【木兰从军】
    恩爱于当初，专揾我遭横祸，不该作孽多，唉！到今受折磨。自悔淫贱有因果，乞米惩罚我。
如花【口白】乜咁多人喺度呀嗄？ [鸣锣介]
朱买臣【七字清中板下句】
    寒酸洗尽，换衣罗。金殿抡元，钦点我。蓝宫折桂，喜如何。衣锦荣归，
买臣【滚花】我接受几许官绅嚟道贺(尺)。
如花【口白】唉吔，佢高中返嚟真喺好咯！
如花【梆子滚花下句】
   见前夫，佢荣归衣锦，使我感慨良多(合)。
   我要重相遇，认夫郎，望佢海量汪涵原谅我(上)。
中军【喝白】趱道！
【口鼓】
    (生：哈吖！本状元衣锦荣归，一路上鸣锣喝道，你还不闪避在两旁，还敢叫苦连声，拦途于道左呀又？  旦：状元郎，小妇人正是状元爷嘅前妻崔氏。中军：嚄呵！旦：今日我拦途相认，望夫你原谅我当初啦！生：哦？乜你喺崔姑娘咩？旦：喺呀！生：唔喺啩)？
买臣【长句滚花下句】
    哩佢貌美又年青，艳似芙蓉花一朵呀，睇你垢面蓬头休骗我，鹑衣百结似个乞儿婆，佢都改嫁如意郎君，当不愁折堕，可见你分明撞骗，你冒认嗰位崔氏娇娥(上)。(旦：唉，我真喺你嘅老婆嚟咖)！待我传口令，驱逐呢个叫化婆，(旦：唉吔，唔好呀)！我且算你无知小过(尺)。
    (买臣：人嚟，赶！如花：唉吔，唔好呀。中军：喂！去去去！如花：你咪赶我啦官长。听我讲啦)！
【白头吟】
    (旦唱)请君休发怒火，见否我珠泪滂沱。崔如花今知错咯。请收容免令我污声播。
     (旦：唉！状元郎，昔日我千差万错，错在我贪慕虚荣。后来惨遭遗弃，今日回头觉岸，我望你冰释前嫌，许我自新，收容复合。   生：又嚸会你折堕到，会做到乞儿娘呀又？旦：你原谅我啦)！
    (生唱)喜得金钱帮助，更有情郎护助，风流乐享嚸会来求我？我未能助！ (如花：原谅我啦)！
     (旦唱)唉！忆仳离写分书真个绝情，抵我受折磨。我求郎，你谅我。当初为贪偕乐谁料惹横祸，我悔效蛾儿扑火，自悔寻求恶果。
    (生唱)却原来喺我猜错，你确喺如花当真折堕咗哩！
    (旦唱)唉！因果报得实太苛，天公太苛！
     (如花：原谅我一次啦，状元郎。买臣：哼！你都何必怨天尤人，你怨下你自己所作所为罢啦你！如花：我都知道自己唔啱咖啦)。
买臣【长句二簧慢板】
    今朝磨折都未为苛，你一步行差就会千日错，记否分书嚟逼写，去另结丝萝，你为着贪慕虚荣，忍心抛弃我，你今日反遭人遗弃，可证得果报，无讹。你原可夫贵妻荣，偏要弄到今时，得咁折堕。
如花【口白】夫呀！
如花【乙反中板】
    悔当日木匠担枷，到今朝自食其果，我惨遭遗弃，受灾磨。红杏暗出墙，都估话可托终身，半载赋同居，一朝抛弃我。一朵好名花，都不幸风霜曾历尽，珠黄人老，断肠多。
如花【乙反滚花】  

    沦落后，幸相逢，请念结髪情亲，郎助我。
如花【口白】原谅我啦！
买臣【口白】
    哼！如果你当初喺肯念结髪之情嘅，就不致有今日之祸啦衰嘢！
【惊鸿令】
    (生唱)我为谁人家倾破？你重敢求吾助！(买臣：而家鬼睬你呀！如花：嘛嘛哋啦？买臣：唔睬！如花：你原谅我啦)！天公责罚赐灾磨。
    (旦唱)我好比羔羊求脱祸。 (买臣：哼！今日正喺果报循环，若果要得你都唔喺人呀)！   但愿重圆破镜，喜谐和。
    (生唱)你好比蛾儿冲火焰过。
    (旦唱)又好比风卷残花，落愁河？
【口白】
    (旦：唉，不若我为奴为婢，若果你唔应承我嘅，我就死咗佢！生：喂！喂！喂！旦：我死嚹！生：唉)！
买臣【滚花下句】
    睇佢要死要生难拒绝，不若我思量妙计暂延俄。好！嗱，我要你马前覆水若重收， (如花：马前覆水呀)？纵使喺无理要求，也当许可。
     (生：阿如花，嗱你考虑清楚啵嗄，马前覆水，我要你点滴重收，倘有半点失落，都算你输咖啦。旦：咁呀？咁等我求下只马大哥帮忙我至得咯)！
如花【滚花下句】
    祷告神祈助我收覆水，旧时琴瑟再谐和。叫句马大哥，你切不可摆尾摇头，否则就难圆镜破。
买臣【口白】中军！
中军【口白】喺！
买臣【口白】搦水嚟。
中军【口白】领命！
如花【口白】
    嗱，呀马大哥，你有灵有性，你千祈唔好喐呀！喐嚫就载唔翻咖啦！ 〖马嘶鸣介〗
如花【口白】
    唉吔！死咯！衰马！病马！你真喺唔争气咯！
买臣【三笑介】哼！哈哈！哈哈！呀哈哈哈！
买臣【滚花下句】
    唉，正喺马前若可收覆水，咁就平阳大地亦可变江河。哩朵残花不配状元妻，我欲破镜重圆天不助呀！
买臣【口白】人嚟！打道！
如花【口白】

    唉吔！唔好走呀！你真喺唔爱我呀？唉吔！
如花【哭相思】啊…真喺惨咯！
如花【滚花下句】

    一念虚荣遭天罚，我何必要偷生人世，受灾磨。
                            曲终