2017年10月6日

方卓如 方如玉帅

大价股一样可以炒

恒生指数逼近大时代高位，但系成交就少大时代一半，证明今次升市只限于少数大价股份，同埋大部分普通市民都无份参与今次升市。众安（06060）上市后先跌两日，再怒升两成破高位，表示大户要等抽中股票的散户走得七七八八，先开始发力买上。以前散户赖以发达嘅方法系买中只倍升嘅股仔，一铺过赢返以前输嘅银両。

而家嘅世界，股仔犹如过街老鼠喊打喊杀，卖壳转型又诸多限制，想靠股票发达，就要买中可以倍升嘅大股，例如吉利（00175）、恒大（03333）、瑞声（02018）、舜宇（02382）。讲风险同回报，其实买呢啲大股仲好过买股仔，因为你够胆落重注，唔怕停牌，唔会暴跌九成，而且流通量足够，几时赚够想走都得。明显地香港系想市场集中买一百只大价股，好过市场上充斥一千只细价股。大价股同细价股嘅监管成本一样，但系大价股就算俾沽空机构追击完，股价仲识创新高。俾着你系监管机构，你都想赶走晒啲不务正业嘅细价股，让路俾啲做生意嘅大价股。今次慢牛升市，投资者要学懂大价股一样可以有炒卖嘅能力，不让细价股专美。