2012年2月27日

凌通 中環解密

中國郵票指數面世

凌通的讀者對股市樓市指數一定不會陌生，但郵市的指數各位可能未聽過。香港投資者學會主席譚紹興同趙資靈博士創設一個「中國100郵票指數」，反映中國郵票的價值升沉。呢個指數昨日面世，全球獨一無二。

據該會的調查顯示，香港人七成有投資實物，當中最多當然係物業，但郵票都有26%。而中國的郵品過去升值好驚人，以1980年猴版票為例，由1980年至今，升幅係13萬倍！

呢個「中國100郵票指數」，以2009年3月為100點，今年2月係238點，三年間升138%。指數涵蓋一百種中國最有代表性的郵票，由拍賣市場的成交情況計算出來。大家想睇，可以上去中國郵票指數有限公司個網頁（http://stamps100.com）。