收到最多媽咪問：我覺得我BB食量唔夠，食好少。。。。。。

然後再問BB檢查時醫生怎樣說，10不離9 「體重偏重」

再看相片，每一個都係米芝蓮BB，手腳一節一節，重要有肚腩。

最大問題，BB被「抬炸彈」，有婆婆麻麻湊0既BB，全部變曬手榴彈，要抱住，唔可以放落地下爬爬。小小運動都無，好似法國鵝不停塞。仲要懷疑BB營養不良。

IAIM嬰幼兒按摩課程內不會講到BB這個飲食問題，導師也不會教導家長應該如何做。所以我以一個媽咪角度看BB飲食問題。

作為媽咪我同大家分享一個眼見事實。我兒子是學校游泳隊隊員，游泳隊除了運動員參加外，還有一些需要減肥的小學生。從我兒子一年級到四年級，中間見過不少「肥仔」被媽咪逼去游泳隊減肥。這些「肥仔」冬天也參加訓練，但脂肪厚到只得4度浸在水裡好像浸溫泉不願動。訓練的時候，你會覺得游泳池有幾隻海洋公園看海獅海象趴係池邊，或者浸係水裡面。

家長完全係逼不得已才送海獅海象游水，但瘦少少立刻停。游水時候食量比未游水前多，停練後食量保持一樣甘多。上樓梯喘氣已經狀態好好，check埋血壓血脂，你唔知應該擔心定覺得好笑。

均衡飲食已經很好，在中國的城市，一般家庭，已經不再有3年自然災害無飯食的情況。