早两日晏快头（中午），到广宁桥直街起（去）转了转，发现廊下头酱货挂满夯哉。一毛（现在）条件哉好哉，腊月还勿到，过年东道老早来埭准备起哉。噶（这）个酱货我蛮喜欢吃个，吃起来香喷喷，油罗罗味道交关（非常）赞。

    有人话酱东西多吃勿好个，我话少吃勿要紧个，衣（又）勿实（是）当饭吃，呆些（等下）要吃出毛病来，奈（你）话哉勿哉。再话话，老背手里（过去）传落来个东西，怕易啥，哉话（如果）要吃出毛病，老早就作还（取消）哉。酱东西实伢（是我们）绍兴个（的）风俗习惯，咸毛（过去）条件勿好个晨光（时光），凑凑刮刮（想尽办法）鞋（也）要酱些（点）来，噶（这）说明是好东西，尽管放心吃。

     为啥绍兴人喜欢酱鱼干、酱鸡、酱鸭、酱猪肉？作奈（同你们）话埭出来鞋（也）勿要紧。落莫（过去）介晨光（时光）恩妞（没有）冰箱？恩妞（没有）冰箱活货奈噶（怎么）康康（储藏）？伢绍兴人有办法，酱！酱过的东西放得长，好吃到明年上半年都恩妞（没有）事体。放长了还越来越香，比新鲜时还要好吃。实个（这样）一来，酱货就成了伢绍兴人过年一定要准备个年货。

     一毛（现在）勿一样哉，酱东西先吃起来哉，为啥？一毛（现在）生活日日同过年一样哉。侬看看，廊下头酱东西晒满埭哉，眼热勿眼热？