blog友大河马的减肥原因非常感人
         虽然已减30lb,但仍有一段漫长的路要走,
          大家去支持下佢啦
-------------------------------------
胖又肥胖又马大河马网志

<努力~努力~再努力~~>
网志日期：2010-09-27 00:01

今 年二月尾家姐突然在睡梦中心脏病发. 家姐生前有三百九十几磅. 原先我都想post  佢的相出来,但系觉得好似唔多尊重佢,所以都系无咁做. 我屋企个个都系肥人,二百几磅的人都有三个. (包括之前未减磅既我)因为家姐的突然离去,我地好伤心.我 亦好后悔当初无好好咁同佢一齐减肥. 有时甚至我自己亦好似街边的人一样,岐视佢. 成日话佢唔努力减肥. 但系...............谂返自己咪又系咁. 我唔系唔想减肥,只系...............无恒心,无方法去减.

出街比人岐视，试过搭 MTR 坐落个位，隔离的男人实时弹起身，跟住仲话我咁肥都坐落去。 又试过比男同事话成身车呔。我家姐出街都会被人指住佢，话佢乜咁肥架。

肥－－－边个钟意呀！我都唔想架，但系我系无方法减呀麻～～～

几年前试过食西药减肥,减到一百六十几磅.但系一停左即刻返, 去到人生高峰期----二百三十二磅.肥过欣宜的高峰期.试过用代餐减，好有效咁减左二十磅。但系好肚饿，一停左又肥返十磅。于是人生又停左系二百二十三磅的高峰期。

* * * 大家千祈唔好食西药减肥呀～～～　* * *

今年三，四月，朋友系MSN比绿茶的BLOG我睇，话佢好掂。望左两望，但系心谂关我咩事喎。佢掂又唔系我掂。
跟住朋友又比另一D 实证 BLOG 我睇，最后佢比埋唐安麒个BLOG 我睇，佢仲叫我试。但系我心谂。。你又唔试？？？你都好有需要喎。

跟住同我美国的妹讲，原来佢一早有留意。佢话佢试过煲D 汤来饮。好易煲好好饮。哗～～连我呢个唔识煮餸既妹都话掂。我一于试下啦。我煮饭叻佢好多好多呢～～

就系咁开始左我的宇宙人生。我钟意宇宙减肥法。因为唔驶捱饿，食得饱，又可以食自己钟意既野食，又满足到我既为食欲。

就系短短既五个月，我减左廿十八磅。呢排月饼节为食肥左两磅。但 系我劲食都只系重两磅，如过系以前代餐，一定重多五磅。(今朝上磅,经我两日返返去宇宙世界生活,即刻轻返一磅.宇宙餐真系好正~)月饼节过左啦，我返返 去宇宙。我要努力再减磅。一来可以靓D, 二来最紧要系为健康。父母老啦，我唔想佢地再突然又有个女走左。佢地绝对受唔起呢D 刺激。虽然话生命掌管系神的手，但系人都要尽本份爱惜身体。依架搵到岩既又健康既减肥方法，再无借口唔减肥啦～～

大家齐齐努力，踢走脂肪挽回健康。

http://a367.yahoofs.com/hkblog/4ohewmeLCUdYPJvkphoyDw--_2/blog/ap_20100825092638334.jpg?ib_____DFt1iBQu2

呢张相系旧年十二月影的。当时己经跌返落二百二十几磅架啦。但系依架睇返，真系胀爆。

http://a367.yahoofs.com/hkblog/4ohewmeLCUdYPJvkphoyDw--_1/blog/ap_20100611113526623.jpg?ib_____Dh9bIDNyl

今年年初行山，见到一个米芝连。

http://a367.yahoofs.com/hkblog/4ohewmeLCUdYPJvkphoyDw--_2/blog/ap_20100825092601305.jpg?ib_____Dx.5YNEHB

Angel's angel 一周年活动。 

http://a367.yahoofs.com/hkblog/4ohewmeLCUdYPJvkphoyDw--_2/blog/ap_20100804111651972.jpg?ib_____DyfROBu1h

我 honey 姨甥偷影我，所以唔识笑。不过个下巴返返来。

http://a367.yahoofs.com/hkblog/4ohewmeLCUdYPJvkphoyDw--_22/blog/ap_20100927122857281.jpg?ib_____DnZ8tuoIn

虽然月饼节肥左两磅，不过我又开始返去宇宙啦。再努力过。直至减到一百二十五磅。
我要寻找遗失左好耐的健康身形，身体，下巴而努力呀～～

http://a367.yahoofs.com/hkblog/4ohewmeLCUdYPJvkphoyDw--_2/blog/ap_20100823073626480.jpg?ib_____DsjsrD1oc

(最底绿色件T-shirt 系减肥前着既,中间白色个件系依架着紧既,而最面个件系我既目标,出年要着住佢去Angel's angel 二周年party)

p.s. 如果我早d 搵到呢个方法，我会同我家姐一齐努力。可惜佢己经走左。 大家唔好搅到好似我咁先减肥。唔系叫得一百磅个d减，而系健康咁去减，亦为健康而减。