加载中…金針雲耳蒸雞
(2014-04-09 12:12:12)
标签：
美食 |
分类： 家常菜 |
晚餐蒸雞。
買佐隻走地雞，半邊斬件蒸。
雞件先用「生抽，糖，生粉，紹酒」醃好味道。
加入「金針，雲耳，紅棗，杞子，臘腸」撈勻~~
蒸之前擺幾條薑係面，蒸十五分鐘至熟。
簡單易整，好味。
可以提早醃好味，收工返嚟，煮飯的同時起鑊蒸雞，飯熟雞又熟，幾好架~~
炒多個菜仔，開飯~~
沒下雨我都會帶丞到樓下的小公園玩
現在信丞已經可以自己上樓梯，不過未識得落~~
係都要稱住阿媽嘅袋仔，成個八婆仔咁~~
識跑識跳嘅小朋友，帶佢落街，真係追餐飽~~
模仿能力超強的小朋友，見阿媽拎住手袋，佢又要拎~~
阿仔依張相，真係同我細個時超級似~~~
俾阿媽搶走袋仔，喊到七彩，幾醜怪~~
唔係要抱抱，而係喊住叫媽媽俾返個袋仔~~
而且係無眼淚果款~~
行下行下，見到一個妹妹離遠行緊過嚟，即刻企定定，個表情都同頭先完全唔同哂，唉，大個佐睇怕都係觀音兵一名喇~~~
玩夠返上屋企，係都要搶媽媽的卡袋，要自己拍卡入大堂
又要自己關門~
喜欢
0
赠金笔
前一篇：2014年04月08日
后一篇：麻辣福花