其實我識煮嘅，不過果幾味。

變來變去嘅係主要嘅食材，調味同配料，基本上就係果幾味。

早排芋頭當道，買佐一大舊，加埋雞同煮。

先炒碟菜。


因為菜心所凈無幾，略嫌少，就浸佐啲打邊爐有凈嘅炸枝竹，炒埋又係一碟。

芋頭燜雞，主料除佐雞，配料有「芋頭切大舊、蔥花、蔥段、薑、蔥頭、蒜蓉各適量」

做法：先用少少少油，將蒜頭煎一煎至邊角位呈焦黃色，撈起備用。

然後爆香蔥花以外嘅所有配料，倒入雞塊炒至轉白色，然後落水，豉油糖，少許酒，落埋芋頭，開中火燜十五至二十分鐘足夠。

熄火後起鑊前倒入蔥花，等少許生蔥嘅味道入去餸度。

好簡單，又好餸飯，又開手煮嘅一味餸，搞掂。

開飯~