無意入佐一間日式餐廳食過一碗好美味的燒鰻魚飯，一碗仔白飯，一塊巴掌大的燒鰻魚擺飯面，一碗麵豉湯，一杯特飲，以味道而言，確係多貴都叫值，不過若以午餐而言，又稍嫌貴了些，所以雖然意猶未盡，但短期內又未必會再返轉頭食多次。


在百X買了一包急凍的帶皮鯰魚柳，售價極廉，曾買過一次，肉質鬆散，不易處理，所以一直未再嘗試，今次再買，打算利用它本身較少的腥味以及豐富的油脂加上較為軟綿的肉質，仿照燒鰻魚的做法，以味取勝，一解未盡之意。


魚柳無骨，所以解雪之後，簡單分切成數段。

我簡單地用「薑蓉少許、生抽一匙、白蘭地一細匙、蜜糖一匙、市售瑞士汁兩湯匙」混合成一個燒汁。

這個燒汁用來醃豬頸肉再燒，一樣樣超好味。

薑蓉少許適當即可，過多味道會顯苦並且過辣，少許帶有薑味就足夠。


題外話下，碗里邊的叉叉歷史將近三十年，老東西畢竟耐用吶~~

是我自幼用到大的食飯工具，很少用筷子 ，無論任何時候，都係一叉搞掂，結婚之後一定要帶在身邊的這個叉叉，完全自己熟悉的口型和輕重分量，無論食飯或粥粉麵，都可以一叉搞掂，看它的架勢應該陪我多二十年都無問題，有很深感情的~~

將魚柳和燒汁撈勻，醃30-60分鐘即可。

然後做法就很簡單，可以入焗爐焗熟，亦可好似我這樣，找個坑紋PAN，將魚燒熟即可。

用坑紋PAN的好處在於食物不是完全貼近鑊身，坑紋會在食物底下形成一個空隙，這樣就可以形成一點點燒烤的效果，煎出來的食物會較為乾身。

將魚燒熟之後，醃魚剩下的燒汁，倒回鑊內，開火煮至濃稠，淋上燒好的魚柳，大功告成~~~

可以很負責地話俾大家聽「味道，好到極~~~」

一塊燒汁魚柳，已經送哂一碗飯咁滯~~

凈係魚唔夠嘅，另外整佐一個馬拉盞炒豆角。

每次聞到馬拉盞的味道，總會憶起細個時嘅生活片段，實在依個係陪伴我由細至大的一種味道~~

先係鑊將豆角炒均味道。

然後瓦煲燒紅，淋少少油，將炒勻味道的豆角倒入去，再拌炒多幾下。味道出哂嚟 ，因為煎魚需時，所以我係先整好個豆角煲，再煎魚，咁樣魚煎好之後，豆角依然係熱辣辣嘅。

一煲豆角一碟魚，開得飯~~~