天熱最好飲冬瓜湯。

買佐磅西施骨，冬瓜一大舊，瑤柱二大粒，蝦乾幾條，意米一細碗仔。

加埋水，煲一個鐘，勁清甜~~

依啲湯水，清清啲，真係飲完都覺得好舒服~~


天熱真係唔想食飯，所以整啲生煎包嚟食下。


煎包幾時都咁好食㗎啦~~

一大碗湯，加埋啲包包，食得好開心~~

做法以前寫過，有興趣請搜索站內~

重點推介嚟啦。

甜酸排骨~~~


雪櫃凈有一條青瓜，食得唔好嘥，切片後，先用油炒一炒，落少少生抽入味，兜幾下就拎起待用。

其實依個可以唔洗落嘅。



排骨斬好粒，唔洗醃，直接落鑊炒一炒至表面變乾身，然後落生抽老抽糖，加水燜煮大約二十分鐘。


最後落埋啲青瓜，落白醋調酸味。

醋無需太早落，因為落得太早，醋會揮發，而且會令到肉變到好靭，所以最後起鑊之前再落，可以有酸味同食到醋嘅香味。

食個時候可以試下味，如果太酸可以再落啲糖中和，如果覺得唔夠味，可以再落啲醋。

無一個硬性嘅比例，最緊要自己試下味，適合自己嘅味道就可以。

適合熱天食嘅一碟餸，甜酸排骨~~~~


碌多碟菜，搞掂。