自细我就比同伴更有口福，小朋友嚟我屋企玩，必定会有超过二款以上嘅点心招呼，实在係因为我有一个好得閒又好钟意玩转个厨房嘅阿妈。

直至依家，同啲老友聚会，佢哋都总会同我讲起当年係我屋企食过嘅某几款小点心，精緻嘅造型独特嘅风味，都令我嘅同学仔印象深刻，大家都羡慕我有一个好叻整食嘅阿妈，不过可能係幸福太接近嘅时候，我反而无乜感觉，对阿妈嘅美食，经常地係视若无睹，实在过份。

谂谂下，可能我咁钟意煮食，好大因素都係受阿妈影响。

以往一到热天，个个无乜胃口嘅时候，阿妈就会玩好多唔同嘅食物，自己係屋企拉肠啦，整各式凉拌啦，汤粉面啦，包括寿司，都係热天最经常食嘅食物。

我都未试过整寿司俾强哥食，以往都係同强哥拍住拖出街食气氛，依排咁热嘅天气，都想係屋企整啲简单嘅寿司嚟食，所以打佐电话问阿妈做法，再上网查下网友嘅做法,寻日晏昼凭感觉，又试整佐次俾强哥试下。

睇下，我第一次整，都唔错呱。。。。

我做到，你都一定可以做得到~~~

做法，跟我嚟~~~

 

先讲下醋。

当然外面有一樽樽调好的寿司醋卖，但如果只是心血来潮,做得那一次两次就要买樽东西摆在家中，极不符合经济效益的考量，所以，寿司醋，自己整。

买一支「同珍」白醋（其它白醋都可以，我贪这个白醋味道无咁坑），佳宝可以买到，倒小半碗仔出来，然后浸几块昆布入去，如果无昆布，可用一般市场买得到的海带代替，浸一晚，等醋有了昆布的味道，香好多的，然后加一汤匙的冰糖入去，调较甜味。如果有时间，可以提早整定这个甜醋，醃多几日味道会香好多~~

糖同醋的比例，可以按个人口味去调配，譬如你钟意酸一些的，就放少点糖，钟意甜啲，就落多啲糖，一边调一边要自己试味，我自己喜欢的味道，是三汤匙的醋加一汤匙的糖，依个係我自己嘅口味。

 

再讲下米。

我无特别去买日本米，就用家中食开的金凤，我觉得软硬度都好好，煮的时候加多少少糯米入去同煮，增加软糯的口感，就用平时煮饭的水量去煮饭，不知是否我的饭煲是日本产的关係咧，它本身设了水同米的比例煮出来的饭不会太湿都不会太乾，用来整寿司，几好㗎。

煮好的饭，趁热将上个步骤的醋倒入去，不要一次倒完醋，逐少逐少去加，一边加一边试味，捞好的醋饭，摊冻它。（所以我用一个较大面积的兜去装饭）

 

跟住讲下紫菜。

我会剪开一截仔,因为我这个包寿司的竹帘比较小,而且我不想太大块的紫菜,整到太大个的寿司,这样小一截的紫菜,整出琮的寿司都可以小一点,饭少啲,唔会食得太饱肚...

裁出来的那截小的紫菜,都有其它用途,一点都不会浪费㗎....

 

最后讲下馅.

其实基本上是自己喜欢吃什么就放什么就好了,妈妈通常一定会有的是「青瓜、甘笋、蛋丝」，再搭配其它的肉类。

不过妈妈话，鳗鱼就不好配青瓜，会有腥味，青瓜可以配肠仔或者其它肉类，鳗鱼就配甘笋同蛋。

我无买到鳗鱼，那就用了屋企有的料，肠仔啊，青瓜甘笋蛋，芒果、咸牛肉、午餐肉等等。。。。

准备好料，就可以包啦。。。。

我准备多碗水，整的时候湿湿手，不会整手都痴了米。

自己家人食，我就唔带手套啦。

 

我的竹帘是买的一个托盘上边配住的，所以是会比外边买的做寿司的帘子小，整出来的寿司，都会细啲㗎。。。。

就咁样，舖一块紫菜在竹帘上，然后舖一层醋米，最后在近自己的这边，摆上钟意的馅料。。。。

我下次都是不要放咸牛肉啦，味完全不搭。。。。妈妈平时会摆些肉鬆加上沙律酱，青瓜同肠仔等等做馅，我见无肉鬆，想着用咸牛肉代替，可能都好惹味，谁知味道完全不对路。。。。。好彩得一条有咸牛肉，大家都是不要试啦，是一个好错误的示范。

好啦，舖好馅之后，就可以卷卷卷过去，卷好之后，再用手握实个饭卷。

 

 

整佐三卷。。。。

最後搵把刀，利啲嘅刀，切開一舊舊就搞掂。。。。

刀上我會濕少少水，咁切嘅時候就唔會因為痴住米而切得唔靚。

 

整好一卷卷的时候，强哥收工返嚟啦，那就可以整其它造型的饭团，即整即食最美味嘛。。。

叫强哥帮我手影相。

手湿少少水，取一团饭，用手心位置，阴力去将饭团整实成一个。

（自己人食，我就无戴胶手套啦，带住手套做事没这么方便，并请大家自动忽略我实在有碍观瞻的肥手）



然后将一开始裁出来的那细半截紫菜，围一圈在饭团边边，紫菜的高度要高过饭团少少的。

 

睇下，这样整好几个饭团之后，上边的位置，钟意摆乜就摆乜。

 

 

材料凈返好多，求其用啲腸仔、芒果、蟹柳、青瓜、甘筍剪碎粒，加埋沙律醬，撈勻，舖係飯團之上，就做成沙律壽司拉。。。。

 

熱天食真係幾好味㗎。。。。。

好清爽嘅感覺。。。。又易整喎，又無嘥料喎，一舉多得咧。。。。

 

飯團另一做法，我煎佐幾塊午餐肉，然後用一條紫菜綑住午餐肉同飯團，好中式，但好好味。。。。。

壽司之嘛，點都得啦。。。。

 

整壽司真係好簡單嘅一件事，煩係煩在事後嘅清理現場~~~

睇下，我第一次整壽司，都幾似樣嘛。。。。。

強哥望住兩大碟嘅壽司，鬼咁開心「晏晝都食咁好啊」~~~~~

其實，成本好低咋。。。。。

都呃得下人嘅。。。。

 

唔記得提，我提早二個鐘醃佐啲酸青瓜。

青瓜切到極薄片，然後倒壽司醋入去浸住佢，擺入雪櫃二個幾鐘，咦，都好入味喎，酸咪咪，又清香，凍冰冰，正啊。。。。

雖然無酸薑，不過有酸瓜，齊哂啦。。。。。

 

自己係屋企整嘅壽司，雖然都係好平價嘅材料，但味道一啲都唔會差㗎。。。。

我煲佐好多飯，凈係用佐一部份落佐醋，食凈果啲係無醋嘅，加埋所有食凈嘅配料切粒粒，夜晚就用佢哋，炒佐個飯，所有嘅材料，一啲啲都無浪費到，係咪乾手凈腳，舒服哂咧。。。。。。