端午节虽然提早几日出街食佐，不过正日依日，得閒嘅几个都依然会返屋企食餐饭，始终一家人係屋企食，食饱之后大家座埋食下生果，讲下是非，比起係酒楼食完拍拍屁股就走人，要嚟得更有家庭嘅感觉。

老爷係渔排带佐条斑落嚟，片佐好劲大一旧鱼扒俾我带返屋企食。

真係超大一旧啊。。。。

一餐要食哂，独沽一味似乎会太闷，于是，一分为三~~~

整佐二餸一汤：古法麒麟蒸斑片、面豉煮鱼、味噌荽莤鱼片汤

一部份切条状（用胡椒盐酒醃味），一部份片厚片，中间再切多一刀（同样用胡椒盐酒醃好味），最后的部份，保留大大一块（用韩国面豉同酒醃味）

先来弄个古法的「麒麟蒸斑片」

首先鱼片切厚片，然后中间开一刀。

然后胡椒盐酒略醃味。

跟着就好简单，片好的鱼，中间夹一块火腿，舖在碟上。

最后，在表面舖蒜蓉与油葱酥（比放炸蒜总要香,如果没有油葱,可以放一些炸至焦黄的蒜粒,这就是广东的"金银蒜"的说法了）

上镬隔水蒸6分钟。

蒸好之后取出，放少少荽莤或葱，淋蒸鱼豉油，倒熟油係面，搞掂~~~

蒸得时间刚刚好，食落斑片好嫩，配埋火腿的香，加上蒜同豉油的味，非常非常一流的一味蒸餸----「麒麟蒸斑片」

另一味餸，是一块块的鱼，想惹味些，香口些，那就整一味「面豉煮鱼」

先用韩国面豉同酒醃入味，然后用油爆香薑丝，鱼落镬，煎至表皮香脆，加少少水，盖上盖焗一二分钟至熟，撒一把糖落去，中和面豉的咸，开大火煮至汁变结，搞掂~~~

一擺上檯，老公話「斑都可以整到咁西式嘅」~~~

另一種食法啦。。。。

因為太厚我煮得耐佐少少，所以食落，無蒸斑片咁滑係必定㗎啦，勝在味道夠惹味，下次轉用其它魚嚟煮，效果應該總好~~

最後，滾一個荽莤豆腐魚片湯~~~

放了赤味噌，啖湯變得好日式。。。。。

好囉，搞掂咁大舊魚，安樂哂`~~

因為我同強哥都唔太鐘意食魚，所以平時真係好少整嚟食，唔想嘥佐舊魚，逼住整佐餐全魚宴~~~

對於好魚嘅人嚟講，喱餐一定好歡喜~~~~