無無聊聊，想食PIZZA添。

即刻變底出嚟~~~

自己整，當然料足夠份量。。。。。

整沙律真簡單，鐘意食乜就落乜。

我就落佐薯仔、青蘋果、甜粟、菠蘿、煙肉腸、雞蛋。

加加埋埋，大大一盒。。。。

餅底提早一晚整好，擺入雪櫃雪一晚，第二日要用先入焗爐。

我無用份量，直接就憑感覺落高筋粉同水同酵母，我另一篇文章寫過餅底嘅詳細製作材料同方法，有興趣可以睇返依個網頁「详细做法介绍」

講下依次個PIZZA醬嘅製作方法：

我用佐茄膏嚟整，其實好多專業整薄餅嘅舖頭，都會用茄膏嚟整個醬底，成本較平之餘，味道都唔差。

我會用牛油熱鑊，倒入洋蔥爆香，然後倒入茄膏，再落多少少茄汁，少少水，煮滾之後就係個醬汁啦。

屋企唔方便儲存新鮮蕃茄嘅時候，一盒茄膏都幾大作用㗎，睇下，煮好嘅醬，都好結，而且好香添。。。

茄膏嘅味道比茄汁更香濃，無新鮮蕃茄，用佢都係一個好好嘅選擇。

薄餅上邊嘅料，基本上鐘意食乜就落乜㗎啦。

我就用佐「腸仔、漢煲扒切粒、青椒洋蔥粒、菠蘿粒、煙肉」

落材料嘅次序：

1，先擦蕃茄醬，落一層芝士

2，落碎粒嘅材料，舖多層芝士

3，最後一層，擺片狀材料，譬如腸仔同煙肉，然後，面再落多一次芝士

4，記得，個餅邊，要掃一層油，作用係焗嘅時候可以容易上色變金黃。

5，入焗爐，200度火焗30分鐘（因為我用細焗爐，時間上需時稍長，如果屋企係大嘅焗爐，要相就減少時間同火數）

細焗爐焗出嚟嘅效果始終稍遜，個底同邊邊都未夠理想狀態，火力夠大再脆啲就好啦。。。

所以我翻入平底鑊，再煎一煎脆個底，當堂好味好多好多。。。。

下次用平底鍋整薄餅算數。。。。

未焗好強哥已經係身邊轉嚟轉去，聞到香味頂唔住啦佢。。。。

一話食得，最開心係佢。。。。。

自己整，當然料足足啦。。。

食落口，滿滿嘅濃濃嘅味道，好滿足。。。。。

薄餅底軟軟韌韌，好有彈性，食落好好口感。

唯一要改進嘅地方，係下次唔好整得咁厚。。。

太厚嘅薄餅，食得一舊，都大半飽啦。。。。