上个星期有几日真係几凉爽下，所以同强哥又心思思係屋企BBQ。

个炉真係买得有价值，本以为依类小玩意，买返嚟最多玩一二次就会摆係度唔玩啦，点知原来我一路低估佐强哥对烧嘢食嘅兴致，周不时一遇上天公作美，有得籍口嘅时候，强哥都会同我提出烧嘢食嘅请求。

其实烧嘢真係几简单嘅一件事。除佐猪肉串同鸡亦我会稍作醃制之外，基本上其它食材都唔多洗去理，食之前洗一洗切一切就搞掂，所以烧嘢，係随时可以开始嘅一件事。

以前强哥同大多数香港人一样，烧嘢，就係肉加蜜糖。。。。

係就係外脆裡嫩，但一味嘅甜，真係。。。。。。

我唔係好接受咁嘅味道。

所以我一路都係按自己屋企嘅习惯去醃烧嘢，不过依一日，鸡亦只係简单地用豉油糖酒去略略醃过味之后，烧嘅时候，都用佐少少蜜糖，好耐无整过蜜糖鸡亦，就整俾强哥回味下啦。

用佐靓嘅荔枝蜜，加少少老抽，较佐一个汁出嚟。

烧佐几隻蜜糖鸡亦，强哥自己享用。。。我唔係太锺意食雪藏鸡亦。

果晚烧嘢，一共烧佐十串猪肉，六隻鸡亦，一块牛扒，二条粟米，一条大茄，二条脆肉瓜，一盒羊架，边烧边食，食佐成二个锺。。。。

听住歌仔，几罐啤酒，边烧边食边讲下是非，两公婆係屋企嘅平价享受，婚姻生活，平凡中，自有一种快乐。

烧粟米，乜都唔洗落 ，烧好之前，擦少少蜜糖酱，落 七味粉，好味。。。。

燒羊架，就咁燒，逼到啲油走哂出嚟，羊膏滴落發熱管，聽到滋滋嘅聲響，聞到特有嘅膻味，灑上一把孜然，一小撮的細鹽，最後再來上一點點的辣椒粉，幸福到，講不出聲。。。。。

超好味，燒羊架。。。。

最後，再嚟多一件燒茄子。。。。

就將茄子擺係一邊由得佢自己發燒發熱，食到咁上下，將佢對半切開，擦少少燒汁，俾李X記蒜茸，再加少少七味粉，正到不得了。。。。。。



燒完成身汗，兩公婆夾手夾腳清理乾凈現場，齊齊舒舒服服去沖返個香香涼，然後，繼續其它更精彩嘅節目。。。。。。。