前一日食佐一半鸡。另一半，强哥话，要食清淡啲。

要「蒸豉油鸡」

其实係口误，佢係想话「整豉油鸡」

我笑强哥好创意，清淡豉油鸡，蒸出嚟。

因为习惯中的豉油鸡，都是相当于用豉油卤水出来的作法，真是未听过有蒸的豉油鸡。

不过想想下，好突然地灵机一触，想到一种真是用蒸的豉油鸡。

尽管去试下啦。睇下想像同事实，是否同样美味。

咁豉油鸡，多数表皮色泽金黄，蒸係好难上色嘅。所以首先要解决上色嘅问题。

于是我决定，先用老抽，抹係鸡身上，摆係近风口处，风乾一个钟，等鸡皮上色。

少不免，加埋几块薑，避一避腥味。

寻日天气好凉爽，又大风，个鸡鸡好快就风乾上色啦。

所以做法第一步：上色。

上佐色嘅雞雞，就依原計劃，「清淡啲」，蒸。

第二步：隔水蒸二十分鐘

蒸好嘅雞雞，攤凍少少，再斬。

做好準備，只欠隻雞。

第三步：斬雞

當當當，雞斬好啦。。。。

睇下，蒸好嘅雞，雞皮金黃滑嫩，係咪好似豉油雞咧`~~

蒸雞會出好多水，倒入一個碗仔，留返第二日滾湯，就係最佳嘅濃縮雞汁啦，食得無嘥嘛~~~

因為隻雞只係表面抹佐一層豉油，除佐雞味，係無乜咸味嘅，所以，為佐讓味道更豐富，我決定，用蒸魚嘅方法，去俾依味「蒸豉油雞」增添味道。

做法第四步：煮熟一湯匙嘅油

第五步：斬好件嘅雞，淋上少少蒸魚豉油，舖上大量蔥段，將煮滾嘅熟油，淋上面，碌熟蔥段。

區區幾個步驟，搞掂~~~~

蔥嘅味道滲佐入底下嘅雞，同雞嘅鮮味，相得益彰，依味「蒸豉油雞」，我俾自己80分。

另外二十分，係因為用嘅係普通冰鮮雞，雞嘅口感食起上嚟，符合香港人對雞果種「好滑」嘅要求，但係對於食慣佐新鮮走地雞嘅我嚟講，多少，都係爭佐啲嘅。

之前一晚炒佐半斤菜，另外半斤，是夜，炒埋~~~

簡簡單單，清清爽爽，一菜一蒸雞~~~