買菜買生果我鐘意係街市買，街市菜嘅品種較多且新鮮，不過講到肉，我幾鐘意係taste買肉㗎，成日都有九折，佢就話係本地新鮮豬隻，我就信佢唔係冰鮮㗎啦，而且室內溫度較低，感覺上無咁易滋生細菌，而且價格其實都唔會太貴，好似我尋日咁，買佐一舊梅頭肉，唔係好大舊，不過足夠一餐所用，咁樣一舊，都係十一蚊咋。

梅頭肉食起上嚟較滑，所以如果係用嚟炒，我都係買依個部位。

雪櫃有一個洋蔥擺佐好耐，都係時候解決佢啦。

咁就用佐一個洋蔥仔，少少甘筍，豬肉一舊，醬汁兩碗。

醬汁後述。

其實我到依家都咪係太識得點解切肉先至謂之正確。我都唔識得睇紋路嘅，亂咁切，但求切得成一大塊就算數。太大舊果啲，我會拍一拍鬆佢嘅筋，不過唔好拍得太勁，拍得太鬆，會失去肉嘅質感。

下次要專程買幾舊肉返嚟，試驗下點樣切個肉片會最嫩。

我切得好大一舊，變到好似豬扒咁~~~

然後講一講第一碗醬汁，醃豬肉嘅汁：

我用佐「生抽老抽糖麻油生粉紹酒」去醃。

醃十幾分鐘就得啦。

炒法：

1，先將洋蔥同甘筍猛火炒一炒出香味（落油），盛起備用。

2，猛火倒入豬肉兜炒至七成左右熟（睇到入邊微微粉紅色）

3，倒入洋蔥甘筍，倒入最後一碗醬汁，兜炒至干汁即可~~~

最後一碗醬汁由「老抽、生抽、喼汁、茄汁、白蘭地」組成

因為茄汁同喼汁都有甜味，所以我無額外再落糖，可以自己試味，如果喜歡甜味啲，可以適當落少少糖調味。

幾下就炒好一碟香噴噴，甜甜酸酸嘅洋蔥肉片啦`~~

勁惹味㗎~~~

肉片較多，我就用佐少少炒佐個蠔油蒜蓉西蘭花~~~

依幾日街市啲菜貴得離譜，都係超市嘅菜最抵食，好似西蘭花西芹依類，價格都無乜點變，依幾日就食佢啲啦~~~

（PS。那幾天，香港街市的生菜，都賣到22元一斤了，超市因為有固定供貨的菜商，所以價格沒有街市漲得這麼過份，所以那幾天買菜，反而都跑到超市買，更便宜）

可能天凍胃口特別開呱，兩碟餸滿滿，同強哥食凈凈~~~