阙里古乐舞
原创 孙宏彝 启迪心田沪语 2022-05-02
10:35
来源：掌上济宁
作者：孙宏彝
沪语改写：李海荣
诵读：王峥
修正：丁迪蒙
编辑：王乙其
阙里古乐舞音频：00:0004:24
阙里，指个是孔子故里，借指曲阜孔庙以及儒学。现在个山东济宁曲阜城里个阙里街，因为有得两只石阙，由此而得名。
迭年，我到历史文化名城曲阜，住宿勒阙里宾舍。光听迭个名字，就拨人一种浓郁、深厚个历史感，让人充满了无限个想象。迭是只四星级宾馆，粉墙黛瓦，北靠孔府，西傍孔庙，是座拿中国传统建筑风格搭现代设施融为一体个庭院式宾馆。别具独特个风韵搭仔特色。
当夜，宾舍举行了专场文艺表演——阙里古乐舞。我吃好夜饭，就快点去坐勒前排座位浪等。演出勒宾舍楼浪个一只厅里，场地勿大，只有几十只座位。
演出开始，悠扬悦耳个钟鼓乐声，就像吸铁石一样拿观众吸引了。因为演员搭观众距离蛮近个，更加让人有身临其境个感觉。
阙里古乐舞融歌、舞、乐为一体，曲调优雅凝重，舞蹈古色古香，内容大都取材春秋战国，具有丰富个鲁文化蕴涵搭仔浓郁个民族艺术特色。
《金声玉振》由编钟发“金声”开始，以编磬奏“玉振”结束。迭个勿禁让我想起了孟子对孔子个评价：“孔子之谓集大成。集大成者，金声而玉振之也”。作品气势磅礴，歌乐舞各自成章又贯通一气。乐曲从庄重浑厚到热烈欢快，古而勿呆，艳而勿冶，形象生动个表现了两千年前泰山南北歌舞升平个安乐景象，赞颂了孔子对中国文化个巨大贡献。
《列国游》以古老个套曲形式搭丰富个音乐语言，惟妙惟肖个刻划孔子历尽艰辛，周游列国十四年个坎坷经历。曲调有辰光典雅华丽，有辰光凄凉悲惨，有辰光舒缓轻盈，有辰光激昂豪放。勒抑扬变幻当中，拿孔子周游途中个万般心曲抒发得淋漓尽致。
阙里古乐舞使用个侪是民族乐器。古筝有辰光像私语，有辰光像疾风；唢呐有辰光低沉，有辰光高扬。高超绝妙个演技，让观众个情绪一阵高过一阵。
舞蹈也令人陶醉。一群活泼个妙龄少女，着仔古代个装束，轻歌曼舞，婀娜多姿，充满了青春活力。《孔子教乐》一节当中个“鸟舞”，引起观众个极大兴趣。少女以优美个舞姿再现了林间个鸣鸟，有辰光静栖，有辰光腾跃。看发看发，我竟然产生了幻觉，好像自家也勒里向了。
演出结束，余音仍旧勒耳朵边浪,歌舞仍就勒眼睛前头。我勒座位浪细细叫个回味，咀嚼阙里古乐舞带来个迭份勿可言传个美妙。为古老、精彩民族艺术折服，勒激动之余，我又想起《论语》里孔子对《韶乐》个评价：“子谓韶尽美矣，又尽善也”。
阙里古乐舞，迭朵“文明之邦、礼仪之国”悠久文化艺术百花园，我为伊骄傲搭仔自豪。
诵读：王峥
——————————————————
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
加载中，请稍候......
加载中…
(2022-05-02 15:34:40)