丽娘白）柳郎...柳郎...

梦梅白）哎吔...哎吔...你...你

丽娘白）柳郎......莫非你猜透了灯谜,
不用丽娘点化. 

梦梅白）原来你讲灯...灯已灭,
缘已绝, 原...原来你系一只...一只夜鬼回衙. 

丽娘白）吓,
夜鬼回衙呀... 

丽娘唱)
唉, 艷质久尘埋, 冷落泉台下, 身在桐棺伴冷霞, 由来鬼物招人怕, 试问谁甘夜接鬼回衙, 一梦死三年, 一见了三生,
祗剩得一段人鬼相思留...留佳话. 

梦梅白）哎吔,
丽娘...丽娘, 你唔好行. 

梦梅唱)
丽娘...系鬼也不惊怕, 我抱膝惨唤丽娘向地爬, 你为我死, 香销镜花, 我哭句曲终线断空抱琵琶,
拜艷尸抱落霞. 

梦梅白）丽娘...丽娘,
我同你梦中生情, 你为我而死, 生不能为我妇, 死亦当为我妻, 丽娘妻, 你...你稍候我片时, 待我复上小楼悬梁自尽,
那怕阳间难配偶, 我地地府都可成家. 

丽娘白）哎吔,
慢...

丽娘唱）梦梅...不枉我倾心也,
抱君惨唤梦梅血泪瑕, 你肯为我死, 施恩更加, 我不怨天不怨地，反觉荣华, 复活花再萌芽. 

丽娘白）柳郎...柳郎...如果你唔讲出呢一番衷心说话,
我就算喺虽可回生, 亦羞惭复活囉，柳郎夫...

梦梅白）丽娘妻...

丽娘白）我当年虽为落花惊闪而亡,
犹幸十殿阎君佢翻检姻缘部册, 话注定我同你先有幽欢, 

后成明配...所以虽登鬼录,
我都未损人身, 今日我阳录将回, 阴数都已尽囉, 日前为柳郎而死, 我今日为柳郎而生, 柳郎, 你若能在明日未过辰牌剜碎桐棺,
我同你都尚可再续姻缘之份. 

梦梅白）丽娘...丽娘...世间上只有精灵不死唧,
边处会有三载回生之理呀. 

丽娘白）柳郎，我点会呃你呢,
嗱, 丽娘尚有叮咛我愿君记取, 你既以我为妻, 勿误我辰牌时份, 否则过了冥期所限, 即今生, 亦难再有相见之日矣, 哎吔,
我...我要走啦. 

梦梅白）丽娘妻...丽娘...丽娘...哎吔,
等我破棺重接再生花. 



石姑白）秀才,
哎吔, 乜你发癫呀, 偷掘清坟比人睇见拉你去官衙问话. 

韶阳女白）师父你又咪话我帮实佢呀,
若果佢系偷坟又点会当住我哋两人面唧, 我睇佢用意另有其它. 

梦梅白）哎吔,
道姑几时系辰牌时份, 妳把我提点吓. 

石姑白）辰牌呀. 

韶阳女白）辰...辰牌时份就牡丹亭角日上就系嗱,
日规指示半点无差. 

梦梅白）唔好阻住我. 

石姑白）你做乜嘢呀. 

梦梅白）妳帮吓手囉,
若果我掘开呢个坟, 妳哋小姐可以回生. 

石姑白）死咗三年又回生. 

梦梅白）妳帮吓手啦好心啦,
若果唔帮手, 我真系唔够力, 过咗辰牌时份, 你哋小姐唔可以回生架啦, 帮手啦. 



梦梅唱）卿在望乡台上听根芽,
并非是我梦梅情太寡, 我恨无血浪去淘沙, 丽娘妻嘱咐如非假, 回生梦转眼化烟霞, 剐破了指头无力剐, 惊心红日上亭枒,
不若我创死坟前, 

韶阳唱）忍看青冢葬才华。。姑把花锄锄几下

石姑白）哎吔, 尸变呀

梦梅白）唔系尸变

梦梅唱）哎吔吔..快啲预备七宝神茶呀.



丽娘唱）一阵杜娟声,
知到了采？？（这句听不清）, 有谁道迷离天下.

梦梅白）哎吔,
丽娘妻.

丽娘白）柳郎夫.

梦梅白）哎吔,
好囉

石姑白）安乐囉,
安乐囉

梦梅白）哦,
你使乜避开我呢, 呢位石姑姑同埋呢个韶阳师姐, 系打理妳个坟墓架, 昨晚你经已送抱投怀,
今朝你又驶乜嘢惊怕呢.

丽娘白）昨夜丽娘是鬼,
今日丽娘是人, 所谓鬼可虚情, 人须实礼, 相公熨贴, 宁不面泛红霞.

梦梅白）呀,
我哋梦里绸缪, 又不是斗室幽欢, 你又驶乜惊呢, 不如趁今宵月明我哋重续未完嘅情话.

丽娘白）梦里绸缪乃是精灵相接,
我复活身仍是豆寇花.

石姑白）我恭喜秀才恭喜小姐,
杜小姐你再世姻缘, 不嫁都还须要嫁 ,太守爷在淮阳镇守, 有我为媒証, 就可与小姐仍可草草成家, 但喺秀才就要赴试临安,
不如买叶轻舟, 你夫妇两人, 暂时去杭洲避开吓 .

梦梅白）避开吓
.

石姑白）你不能不去

梦梅白）点解呢

石姑白）无错啦,
假如今朝事情败露, 小姐有妖冶之名, 秀才有发掘之罪, 论罪就要带锁披枷.

梦梅白）哎吔,
咁点呀小姐.

梦梅唱）苏提画舫花烛夜,
与娇同结合欢花, 博个雁塔留名金榜挂.

丽娘唱）我拔下金钗除玉镯,
免贻道长上官衙.

丽娘白）姑姑

石姑白）吓

丽娘白）多谢你两位成全,
不能因我走后连累于你嘅, 我此去杭州, 与相公穴居于苏提之畔, 门外种一梅一柳,
姑姑有暇时多多到访, 

石姑白）定必到访

丽娘白）有媒有証,
当不至招人非议.

丽娘唱）为记牡丹亭畔再生缘,
相公呀你带我携回丹青画.



韶阳白）吓死我

石姑白）小道姑乜你面都青埋满头汗呀.

韶阳白）梗系啦我而家先至慌完咋

石姑白）唔驶惊嘅,
呢你睇下千金小姐, 即是千金小姐, 佢成全咗自已嘅姻绿, 仲顾虑到我哋, 更仲顾虑到将来,
确系一啲都唔漏罅

韶阳白）师父呀,
不如我哋都返去杭洲白云庵住啦, 免至被官府追查



最良白）系啦系咁上下就到架啦,
行惯咗, 都话系啦, 哎, 一年一度, 哎, 揾碗三及弟祭下你啦, 哗, 做咩嘢个香炉会咛咗落嚟哩树呢, 边个咁手多呀吓,
咛返上去唏摆得好好哋, 咁至系咖吗, 咦咦. 

最良唱）谁个把桐官发掘,
盗去了凤珮珠暇, 哎吔, 毁及倩女个金躯, 我不禁呛地呼天, 连哭带骂.

最良白）哎吔,
阴公呀你哋, 边一个做棺财老鼠呀, 哎吔, 阴公啦, 开棺盗宝呀, 哎吔, 边一个掘人山坟呀, 哎吔, 阴公呀阴公囉,
你哋开棺盗宝都唔话得你哋, 唔好连人哋嘅尸骸都扔埋落莲塘呀, 阴质呀阴质, 呢个莲塘就通大海个播, 一定系大鱼食咸鱼定囉,
边个龟蛋咁无腰骨, 唔使笑, 知到八八九九, 除咗个只坏鬼书生柳梦梅之外, 仲边一个有咁狠心狗肺呢, 好我即刻返去南楼找佢,
找得着佢由自可, 如果揾佢唔到哩, 我就马上奔上淮阳向老大人禀明一切得嘅. 

最良唱）我叫佢描容绘影,
出榜呀擒拿.